Thursday, 27 June 2013

එරිකෝ හන්ටර් - The Flying Man 4

දහවලෙහි හෝරා කීපයක්ම පොලිස් ස්ථානයේ ගෙවා දැමූ එරිකෝත් සිම්රනුත් වාහනයට නැගී යලිත් වැඩ්මිලර් වලවුවට පැමිණේන විට සවස තුනට ලගාවෙමින් තිබුනේය.. පොලිසියෙන් ලද ලිපි ලේඛණ වල පිටපත් සියල්ලම අතැතිව සිටි සිම්රන් අතරින් පතර ඒවා පරීක්ෂා කරන්නට විය.. වාර්ථා අතරට වඩා එරිකෝගේ සිත යොමුව තිබුනේ ඔවුන්ගේ රියැදුරු වෙතටය.. ඉදහිට වාහනයේ පිටුපස දෙස පිටුපස බලන කණ්නාඬියෙන් බලමින් ආ ඔහු ගැන එරිකෝගේ හිතේ සැකයක් උපදින්නට වූයේ සවස සිදුවූ සිදුවීම් අතරේය..



" ඕවා ඔහොම හදිස්සියේ බලලා වැඩක් නෑ සිම්රන්.."



නිහඬියාව බිදිමින් සිම්රන් හා එරිකෝ කතාවට වැටුනේ රියැදුරු ගැන තිබුන අවදානය අඩු නොකරමින්ය..



" නැහැ එරිකෝ.. දැනට අපි හැම දෙයකම අතරමැදි හිර වෙලා ඉන්න නිසා මේක බලන්න හිතේ තියෙන උනන්දුව වැඩියි.."



" ඇත්ත, ඒත් මේ වගේ වෙලාවට අපිට හුඟක් දේවල් මඟ හැරෙන්න තියෙන ඉඩ කඩ වැඩියි.. ඒ හන්දා මේ වගේ සංකීර්ණ දේකදී නිදහස හුඟක් අවශ්‍යයි.."



එරිකෝ ඔහුගේ කතාව නිමා කලේ සිම්රන්ට රියැදුරුව පෙන්වමින් ඇසින් සංඥ්ඥාවක්ද කරමින්ය.. එරිකෝගේ හැසිරීම ගෙවුන කෙටි කාලයට හොදින්ම දැන සිටි සිම්රන් ඔහුගේ හිතේ කුමක් හෝ දෙයක් ගැන සැකයක් ඇති බව තේරුම් ගන්නට එතරම්ම වේලාවක් ගත නොවීය.. එහෙත් ඒ ගැන උනන්දුවක් නොදැක්වූ ඇය පුරුදු පරිදිම එරිකෝ හා කතා කරමින් සිටියේ ඔහුට ඒ බවක් නොදැනෙන්නට හරිමින්ය..



පරික්ෂණයට අදාල නොවෙන දේවල් දිගේ කතා බස් කරමින් ආ එරිකෝත් සිම්රනුත් රියැදුරුගේ අවදානය ඔවුන්ගෙන් ඈතකට ගන්නට සමත් වූවත් ඔවුන්ගේ අවදානය නිතරම ඔහු වෙතම තබා ගන්නට එරිකෝ කිසිසේත්ම අමතක නොකලේය.. සවස තුන පසුවී යමින් තිබියදී වැඩ්මිලර් වලවුව ඉදිරිපස නතර වුන වාහනයෙන් ඔවුන් නික්මෙත්ම ඔවුන් අසලට ආ ජෝර්ජ් ඔවුන්ව කෙලින්ම කැදවාගෙන ගියේ රිචර්ඩ්ගේ කාර්‍‍යාල කාමරය වෙතටය..



" මිස්ටර් එරිකෝ, අද ඔබ හින්දා මේ විදිහේ කලබලයක් වෙයි කියලා මම බලාපොරොත්තු වුනේ නෑ.."



"  ඒ කිවුවේ මිස්ටර් වැඩ්මිලර්?"



කාර්‍යාල කාමරයේ වූ සුවිසල් රාජකාරි මේසයට නැඹුරු වී සිටි රිචර්ඩ් වැඩ්මිලර් ඉන් නැගිට එරිකෝ අසලට ආවේ බැරෑරුම් මුහුණක් මවා ගනිමිනි.. සිදුවූ සෑම දෙයක් ගැනම ඔහු හොදින් දන්නා බවක් හැඟුන මුත් ඒ බවක් නොපෙන්නන්නට එරිකෝ වග බලා ගත්තේය..



" ඇයි ඔබ අවසරයකින් තොරව විලියම්ස්ලගේ ගෙදරට ගියේ?"



" මිස්ටර් වැඩ්මිලර්, ඒක මගේ රාජකාරියේ කොටසක්.. මම බර්මින්හැම් එන්න කලින්ම ඕන කරන ඔක්කොම අවසරයන් අරගෙන ආවේ.. ඊට එහා මම කාගෙන්වත් අවසර ගන්නවත් ඒ වෙනුවෙන් කාලය වැය කරන්නවත් සූදානම් නැහැ.."



" ඒත් මිස්ටර් එරිකෝ මේ ලන්ඩනය නෙමෙයි.. විලියම්ස්ලගේ ගෙදරට අනවසරයෙන් ඇතුළු වුනාට ඔබව පොලීසියට එක්කන් ගියා කියන ආරංචිය මට ලැබුනා.. ඒත් මම පොලීසියට කතා කරද්දී ඔබ එහෙන් ඇවිත්.."



" එහෙනම් මිස්ටර් වැඩ්මිලර් ඔබට ලැබුන ආරංචිය වැරදී.. අපි පොලීසියට ගියේ එවෙලේ අපු නිලදාරීන් දෙන්නා මේ ගැන කිසිම දෙයක් නොදැන හිටිය නිසා.. අනික් දේ තමයි මේ මම රාජකාරිය කරන විදිහ.. ඒක කොහේදි වුනත් වෙනසක් වෙන එකක් නෑ.."



" හරි මිස්ටර් එරිකෝ, මම කිවුවේ ඔබේ පහසුවට.."



" ගොඩක් ස්තූතියි මිස්ටර් වැඩ්මිලර්.. මම හිතන්නේ දැන් අපි අපේ කාමටරට ගියානම් හොදයි.."



රිචර්ඩ් වැඩ්මිලර් හා කතාබහ නොවැදගත් වූ නිසාත් එරිකෝගේ හිතට නොරිස්සුම් බවක් ගෙන ආ නිසාත් රිචර්ඩ්ගේ අවසරය ලැබෙන්නටත් කලින්ම කාමරයෙන් නික්මෙන්නට සූදානම් වුන එරිකෝ කාමරයේ දොර අසලට විත් මොහොතකට නතට වූයේ අහම්බෙන් මෙන් නෙත ගැටුන යමක් නිසාවෙනි.. රාජකාරි කාමරයේ දොර අසලම නැවතී හිදි ජෝර්ජ් ඔවුන්ගේ කාමටර වෙත කැදවන් යාමට ආපසු හැරෙද්දී ඔහුගේ සපත්තු වල යාන්තමින් රැදුන මඩ සහිත බව එරිකෝගේ දෙනෙතට නතු වූයේ අහම්බයෙන් මෙන්ය..



ඉහල මාලයේ වූ ඔවුන් නැවතී හිදි කාමරයට යන අතර වාරයේ ඒ බව
හොදින්ම නිරීක්ෂනය කල එරිකෝ ඒ බව සිම්රන්ටද හඟවන්නට අමතක නොකලේය.. සපත්තුවේ ඉදිරිපසත් පිටුපසත් අතරින් පතර රැදුන මඩ පැල්ලම් එරිකෝගේ හිතේ සැකයක් මතු කරන්නට වැඩි වේලාවක් නොගියේය..



" ජෝර්ජ්ගේ සපත්තු වල මඩ.. මේ වගේ වලවුවක ප්‍රධාන සේවකයෙක්ගේ සපත්තු ගැන ටිකක් මීට වඩා උනන්දු වෙන්න ඕන නේද ජෝර්ජ්?"



" අහ්, ඔවු මිස්ටර් එරිකෝ.. අද උදේ ඉදන්ම වැස්සනේ.. ඒකයි.."



" හ්ම්ම්, ඒත් මම දන්න තරමින්ජෝර්ජ් වලවුවෙන් පිටතට යැවෙන්නෙම නැහැනේ.."



" ඔවු මිස්ටර් එරිකෝ.. ඒත් අද වත්තේ වැඩ කරන සේවකයෙක්ට පොඩි අන්තතුරක් වුනා.. ඉතින් ඒ ගැන බලන්න යන්න වුනා.."



" මම හිතන්නේ මිස්ටර් වැඩ්මිලර් දකින්න කලින් ජෝර්ජ් වෙන සපත්තු දෙකක් දා ගත්තනම් හොදයි.. මොකද මිස්ටර් වැඩ්මිලර් නීති කාරයනේ.."



" ඔවු මිස්ටර් එරිකෝ.."



පඩිපෙල නැගී ඉහල මාලයේ ඔවුන්ට වෙන් කර තිබු කාමරය වෙතට එන තුරුම එරිකෝගේ අවදානය රැදුනේ ජෝර්ජ්ගේ හැසිරීම ලගය.. කිසියම් දෙයක් ගැන බයක් සඟවමින් පිළිතුරු දෙන බවක් ඔහුගෙන් පෙන්නෙට වූවත් දිගින් දිහටම ප්‍රශ්ණ කිරීමට නොගිය එරිකෝ කාමරයේ දොර අසලින් ඔහුට සමුදී කලබලයෙන් මෙන් කොරිඩෝව දිගේ ඇවිදන් යන ඔහු දෙස මොහොතක් බලාගෙන සිටියේය..



" එරිකෝ හිතන්නේ ජෝර්ජ්.."



" නැහැ සිම්රන්.. ජෝර්ජ් විලියම්ස්ලගේ ගෙදර ගියා කියලා මම හිතන්නේ නෑ.. ප්‍රධාන සේවකයා විදිහට ජෝර්ජ්ට මෙහේ තියෙන වැඩ එක්ක ඒ තරම් දුරක් හදිස්සියේම ගියා කියලා හිතන්න අමාරුයි.."



ජෝර්ජ් ගැන සිම්රන්ගේ හිතේ තිබුන අදහස කියා නිමකරන්නටත් කලින්ම තමන්ගේ නිගමනයට එලබෙන්නට උත්සාහ කල එරිකෝ කතාව අතර තුර මදක්  සිතනට විය..

                                                                                                          

" ඒත් සිම්රන් වැඩ්මිලර් පවුල දැනුවත්ව මේ හැම දෙයක්ම සිද්ද වෙනවනම් අපිට කලින් උදේම හරි ඊයේ රාත්‍රියේම හරි ජෝර්ජ් හරි වෙන කවුරුම හරි කෙනෙක් හරි එහේ ගිහින් තියෙනවා..ඒ කවුද, ඇයි එහෙම යන්න හේතුව කියන එක අපිට හොයා ගන්න ටිකක් අමාරුයි වෙනවා සිම්රන්.."



" අපිට කලින් ආව කෙනා කවුරු උනත් ඒ වැඩ්මිලර් පවුලට සම්බන්දයක්  නැති කෙනෙක් නම්? වෙනත් තරහා කාරයෝ ඉන්න බැරි වෙන්න හේතුවකුත් නැහැනේ.."



" ඔවු සිම්රන් එහෙම වෙන්න බැටරි හේතුවක් නැහැ.. ඒත් දැනට අපිට එහෙම බාහිර කෙනෙක් ගැන හිතන්න පුළුවන් තරමේ සාක්ෂියක් නැහැනේ.."



" ඒක ඇත්ත එරිකෝ.. ඊළගට ඔයා මොනවද කරන්න හිතන් ඉන්නේ? මට නම් මේක හුඟක් පැටළුමක් එරිකෝ.."



" දැනටනම් මටත් එහෙමයි සිම්රන්.. ඒත් එකම එක දෙයක් ඇති මේ හැම දෙයක්ම විසදෙන්න.. ඒත් හැමදේටම කලින් මට මේ වාර්තා හැම එකක්ම හොදින් කියවලා ඉන්න ඕන.."



සිම්රන් ලග තිබු පොලීසියෙන් ලද විලියම්ස් පවුලේ මරණයන්ට අදාල සියළුම ලිපි ලේකන වල පිටපත් සියල්ලද සමග කාමරයේ පසෙක වඵාන්සි පුටුව වෙත ගිය එරිකෝ එකින් එක ඒ හැම දෙයක්ම් හොදින් පරීක්ෂා කරන්නට විය.. තමන් අත ඉතිරිව රැදුන එරිකෝ නොවැදගත්යැයි කී අනෙකුත් වාර්ථා අතර කාලය ගෙවා දැමු සිම්රන් එරිකෝට වුවමනා කාලය ඔහුට නිදහසේ ලබා ගන්නට ඉඩ හැරියේය..



.............................



" සුභ සන්ද්‍යාවක් මිස්ටර් එරිකෝ.."



සවස හෝරා කිපයක්ම පොලිස් වාර්ථා අතර ගෙවා දැමු එරිකෝත් සිම්රනුත් ඒ ගැන වූ කල්පනාවෙන මිදුනේ හදිසියේම ඔවුන් හිදි කාමරයේ දොර අසලින් ඇසුන ජෝර්ජ්ගේ කටහඬත් සමගිනි..



" එන්න ජෝර්ජ්.. දොර ලොක් කරලා නැහැ.."



" මිස්ටර් වැඩ්මිලර් ඔබලාව විසිත්ත කාමරයේදි මුණගැහෙන්න බලාපොරොත්තුවෙන් ඉන්නවා.."



" මේ වෙලාවේ?"



" ඔවු.. පරක්කු නොවී ඔබලාට එන්න පුළුවන්නම් මිස්ටර් වැඩ්මිලර් ඒ ගැන සතුටු වේවි.."



" හරි අපි එන්නම්.."



කාමරයෙන් නික්මුන ඔහු ඔවුන්ට සමුදී එලියට පිට වෙත්ම එරිකෝගේ අවදානය යොමුවූයේ තවමත් වෙනස්ව නොතිබුන ඔහුගේ සපත්තු දෙසටය.. නීති රීති බහුල වලවුවක ප්‍රධාන සේවකයකු ඒ උනන්දුවක් නොදැක්වීම එරිකෝගේ හිතට සැකය උපද්දන්නක් විය..



" එහෙනම් ජෝර්ජ්වත්ද විලියම්ස්ලගේ ගෙදරට ගියේ?"



කාමරයෙන් පිටත්ව පඩිපෙල බසින අතර වාරයේ එරිකෝ ජෝර්ජ්ගේ හැසිරීම ගැන තව දුරටත් කල්පනා කරන්නව ව්ය.. ආලින්දයත් දිගු කොරිඩෝවත් පසු කරමින් ආ ඔවුන් විසිත්ත කාමරයට එත්ම කාමරයේ පසෙකින් වූ කූඩා ටීපෝව අසලට වී හිදි ආගන්තුකයා දෙස එරිකෝ බොහොමත්ම වුවමනාවෙන් බලමින් මිස්ටර් වැඩ්මිලර් හා කතාවට වැටුනේ හදිසියේම ඔහුට එන්නට කියූ කාරණය දැන ගැනීමේ අපේක්ෂාවෙනි..



" අහ්, එන්න ම්ස්ටර් එරිකෝ.. දන්නවද මේ කවුද කියලා?"



තරමක් හුරුපුරුදු පෙනුමක් තිබුන හොදින් හැද පැලද සිටි ඔහු දෙස එරිකෝ කලින්ට වඩා වුවමනාවෙන් බැළුවත් එක වරෙම ඔහුව හදුනා ගන්නට එරිකෝට නොහැකි විය..



" මේ එරික් බ්‍රවුන්.. මගේ බෑණා.."



" එරික් බ්‍රවුන්, ප්‍රසිද්ද මැජික් ශිල්පියා.. ඔබව හදුනා ගැනීම සතුටක්.."



එරිකෝ සමග කතා කිරීමට එතරම්ම උනන්දුවක් නොදැක්වූ ඔහු ඔහුගේ අතැතිව තිබූ කෝපි කෝප්පය හෙමින් රස විදිද්දී එරිකෝ රිචර්ඩ් දෙසට හැරුනේ එරික් ගැන උනන්දුවක් ඔහුටත් නොතිබුන නිසාවෙනි..



" මිස්‍ටර් එරිකෝ මම හිතන්නේ අද සන්ද්‍යාවේ ඔබ කලින් සූදානම් කරපු රාජකාරි මුකුත් නැතුව ඇති නේද?"



" දැනටනම් එහෙම කිසිම දෙයක් ගැන හිතිලා නෑ.. ඒත් මේ පරීක්ෂණ එක්ක කලින් සූදානමක් නැතුව වුනත් රාජකාරි කරන්න වෙන වෙලාවල් තියෙනවා.."



" හරි, එහෙනම් හවස හත වෙද්දී බර්මින්හැම් රගහලට අපිත් එක්කම යන්න එන්න ඔබට එන්න පුළුවන් කියලා මම හිතනවා.. අද එරික්ගේ මැජික් සංදර්ශණයක් තියෙනවා.."



" හොදයි අපි එන්නම්.."



එරික්ගේ සංදර්ශණ ගැනත් ඔහුගේ හැකීයාව ගැනත් රිචර්ඩ් අතිශෝක්තියෙන් වර්ණනා කල බොහෝමයක් දේවල් එතරම්ම උනන්දුවකින් තොරව අසාගෙන සිටි එරිකෝ මද වේලාවක් එහි රැදී සිට ඔවුන්ට සමුදී සිම්රන් සමග වලවුවේ වත්ත දෙසට ඇවිදන් ගියේ සිම්රන් සමග නිදහසේ කතා කිරීමේ වුවමනාවක් එරිකෝට තිබුන නිසාය..



" එරික් බ්‍රවුන් වගේ ප්‍රසිද්ද කෙනෙක් මේ වලවුවේ ඉන්නවා කියලා අපි කලින් දැනන් හිටියේ නැහැනේ එරිකෝ.."



" එදා රිචර්ඩ් පවුලේ අය ගැන කියද්දි මට ඔය නම ගැන ටිකක් හුරු පුරුදු බවක් තිබුනත් හරි මතකයක් ආවේ නැහැ සිම්රන්.. ඔහු කවුරු වුනත් අපිට ඔහු ගැනත් හොද අවදානයෙන් ඉන්න වෙනවා.."



" ඇයි එරිකෝ එහෙම කිවුවේ?"



" සිම්රන් දැක්කද ඔහුගේ සපත්තුවලත් තිබුන මඩ පැල්ලම්?"



" මම නම් දැක්කේ නැහැ එරිකෝ.. ඒත් උදේ ඉදන් තාමත් යාන්තමට තියෙන මේ වැස්ස එක්ක පිටතින් එන ඕනම කෙනෙක්ගේ සපත්තු වල මඩ පැල්ලම් තියෙන්න පුළුවන් නේද?"



" ඔවු ඒක ඇත්ත.. අපි මෙහෙම දෙයක් හිතමු.. එරික් අද ගෙදර ආවේ
ලිවර්පූල් වල සංදර්ශණයක් ඉවර කරලා.. ඒ කියන්නේ එරික් එයාගේ වාහනයෙන් කෙලින්ම ආවේ මෙහේනම් මේ තියෙන වැහිබ්බර කාලගුණයට එරික් අහුවෙන්නේ බර්මින්හැම් වලදි විතරයි.. වලවුවෙන් පිටතදි විතරක් එරික් වාහනයෙන් එලියට ආවනම් ඔහුගේ සපත්තු වල තියෙන්න ඕන මේ දැන් අපේ තියෙනාවා වගේ රතු පාට මඩ පැල්ලම්.. ඒත් එරික්ගේ තියෙන්නේ රතුයි කළුයි මිශ්‍ර වුන මඩ පැල්ලම්.. හරියටම අපි කලින් ජෝර්ජ්ගේ දැක්කා වගේ.. උදේ අපි විලියම්ස්ලගේ වත්තෙදි දැක්කේ කළු පාට හුරු පසක්.."



" එතකොට එරිකෝ කියන්නේ උදේ අපි දැක්ක අඩි සළකුණු එරික්ගේ කියලද?"



" හරියටම කියන්න බෑ සිම්රන්.. ඒත් අපිට දැනට සැක කාරයෝ දෙන්නෙක්ම ඉන්නාවා.. හැබැයි මේ හැම දෙයක්ම අහම්බයෙන් සිද්ද වුන දේවල් වෙන්න බැරි කමකුත් නැහැ.. අපි සැක කරන දෙන්නම විලියම්ස්ලගේ ගෙදරට උදේ ගියේ නැති වෙන්නත් පුළුවන්.."



" කලින් හැම අපාරාධයකටම වැඩිය මේක එන්න එන්නම සංකීර්ණ වෙනවා එරිකෝ.."



" ඔවු සිම්රන්..  ඒ අපි මේක ගැන හොයන්නේ අපරාධය වෙලා හුඟක් කාලෙකට පස්සේ හන්දා.. අපිට වැදගත් වෙන හුඟක් දේවල් මේ වෙද්දී අපිට මඟ ඇරිලා.. ඒකයි අපිට තාමත් හරි හෝඬුවාවකට යන්න බැරි.."



" පොලිස් වාර්ථා වල මොනවද එරිකෝ තිබුනේ?"



" විශේෂම දෙයක් නැහැ.. හැම දෙයක්ම අපැහැදිළියි.."



" ඒ කිවුවේ?"



" කිසිම මරණයක් ලග පැහැදිළි සාක්ෂියක් ඉතුරු වෙලා නැහැ.. හැම මරණයක්ම වෙලා තියෙන්නේ තියුණු ආයුධයකින් කරපු පහරදීම් වලින්.. ඒත් කිසිම ආයුධයක්වත් කිසිම ඇගිළි සළකුණක්වත් ඒ මරණයන් සොයා ගනිද්දි හමු වෙලා නැහැ.."



" ඒ කියන්නේ කවුරු නමුත් හොදින් සූදානම් වෙලයි මේ මරණ හැම එකක්ම කරලා තියෙන්නේ?"



" ඇත්තෙන්ම ඔවු සිම්රන්.. හැම දෙයක්ම එහෙම තියෙද්දී පුංචි රණ්ඩුවක් නිසා මයිකල් මේ හැම දෙයකටම වැරදිකාරයා වුන එක ගැන ඇත්තටම තියෙන්නේ කණගාටුවක්.."



" ඒ කියන්නේ එරිකෝ හිතනවද මයිකල් නිවැරදී කියලා.."



" දැනට මට හිතෙන විදිහටනම් මයිකල් නිවැරදි සිම්රන්.. ඒත් අපි තාම ඉන්නේ මේ පරීක්ෂණේ මුල.."









Monday, 24 June 2013

එරිකෝ හන්ටර් - The Flying Man 3



නිවසේ ඉදිරිපස දොරට දමා තිබූ මුද්‍රාව දෙස මොහොතක් බලා හිදි එරිකෝ නිවසට ඇතුළු වන අයුරු ගැන කල්පනා කරන්නට විය.. ප්‍රාන්ත පොලීසියේ අවසරය පහසුවෙන්ම ලබා ගන්නට පුළුවන් කමක් ඔහුට තිබුනත් නිදහසේ තමන්ට කිසිවක් සොයන්නට නොහැකි බව අත්දැකීමෙන්ම දැන සිටි එරිකෝ ඒ පිළිබදව උනන්දු වන්නට නොගියේය.. නිවසේ දොරට් සිල් තැබූ මුද්‍රාවට නෙත් යොමා සිටි එරිකෝ නිවස ඉදිරියේ වූ කඩාවැටෙමින් තිබු ගේට්ටුව අසල සිටි රියැදුරු දෙස බැළුවේ ඔහු තවමත් එහි රැදි ඇත්දැයි දැන ගැනීමටය.. බලාපොරොත්තූ වූ පරිදිම ඔවුන් දෙසට යොමු වුන ඔහුගේ දෑස එරිකෝට යමක් කරන්නට තිබූ ඉඩ කඩ වලකා දැමුවේය..


" දැන් මොකද කරන්නේ එරිකෝ?"

" අපි ගේ වටේ ටිකක් ඇවිදලා බලමු.. ඇතුලට යන්න විදිහක් නැති වෙන්න බෑ.."

" ඒත් එරිකෝ.."

සිම්රන්ට ඇහුම්කන් දෙන්නට නොනැවතුන එරිකෝ මිදුලේ එක් පසකින් වන්නට තිබූ කුඩා ගල් ඇල්ලූ තීරය දිගේ නිවස පසුපසට යන්නට වූයේ නිවසට ඇතුළු වන්නට මගක් සොයා ගැනීමේ අරමුණිනි.. ගේට්ටුව අසල වූ රැයැදුරු ඔවුන් දෙසම බලා සිටියදි දොර අසල නොරැදුන සිම්රන් එරිකෝගේ පසුපසින්ම ආවේ එරිකෝගේ අපරාධ විමර්ශණයක එක් මොහොතක් වත් මග හරවා ගැනීමට ඇය වුවමනාවක් නොවූ නිසාවෙනි..

කැඩී බිදී ගිය බොහෝමයක් දෑ වලින් පිරුන නිවසේ පිටුපස එහි යාමට නොහැකි තරමටම අවහිර වී තිබුනත් එරිකෝට ඒ කිවක් භාදවක් නොවීය.. අපහසුවෙන් වුව ඒ අතරින් නිවස පිටුපසට වන්නට ආ එරිකෝ හදිසිමේ නැවතුනේ ඔහුගේ ඇස ගැටුන යමක් නිසාවෙනි..

" ඇයි එරිකෝ?"

" බලන්න සිම්රන් අඩි සළකුණු..  අද උදේ යාන්තමට තිබුන වැස්ස හන්දා තාමත් මැකිලා ගිහිල්ලත් නෑ.."

" ඒත් එරිකෝ, වෙන කිසිම අඩි සළකුණක් නැතුව මෙහෙම එක තැනකට විතරක් අඩි සළකුණු දෙකක් ආවේ කොහොමද?"

නිවසෙහි වූ වසා දැමුන ජනේලයන්ට මදක් දුරින් වන්නටත් අතරින් පතර
මග අහුරමින් තිබු නොයෙක් බඩු බාහිර ආදියට ඉදිරියෙන් වන්නටත් වූ අභිරහස් ලෙස එක් තැනක පමණක්  සටහන් වූ අඩි සළකුණු දෙක ඔවුන්ගේ හිත් වලට ගෙනාවේ දැඩ් කුතුහලයකි..

" ඒකම තමයි සිම්රන් මටත් හිතා ගන්න බැරි.. මේ හරියේ තියෙන බඩු නිසා සළකුණක් හරියටම නොතිබුනත් මෙතනින් ඉස්සරහට කිසිම සළකුණක් නැත්තේ ඇයි කියන එක හිතා ගන්න අමාරුයි.."

" බලන්න එරිකෝ, අපි ඇවිදන් ආව ටිකේ හොදට අපේ අඩි සළකුණු සටහන් වෙලා.. ඒ හන්දා මේ අඩි සළකුණු අපි පහුකරන් ආව ටිකේ තිබුන බඩු එක්ක සටහන් නොවුනා වෙන්න බෑනේ.."

සිම්රන් පෙන්නූ සළකුණු දිගේ ආපස්සට ටික දුරක් ඇවිදන් ගිය එරිකෝ කලින් දුටු මෙන් සළකුණක් වේදැයි හොදින් පරීක්ශා කරන්නට වූයේ කලින් ඒ තරම්ම වුවමනාවකින් ඒ ගැන නොසෙයූ නිසාවෙන්ය..

" හ්ම්ම්, සිම්රන් හරි..  ඒත් ඒක වෙන්න පුළුවන් දෙයක් නෙමෙයි නේ.. හිටි හැටියේම නැවුම් අඩි සළකුණක් මේ මිදුලට ආවේ කොහොමද?"

" මේ සළකුණු තියෙන විදිහෙන් පේන්නේ කවුරු කරි කෙනෙක් මෙතන ඉදන් ගෙදර දිහා බලාගෙන ඉදලා තියෙනවා වගේ.. ඒවා තියෙන්නේ එක ලගම.."

" ඔවු.. ඒත් ඇයි මෙතන විතරක්?"

පිළිතුරක් දීමට සිතාගත නොහැකී ප්‍රශ්ණයක අතර මං වුන එරිකෝ මිදුලේ තැනක අහම්බෙන් සටහන් වුන අඩි සළකුන දෙස බලාගෙන කල්පනා කරන්නට විය..

" ඇත්තටම කලින්ට වඩා මේ සිද්දිය මගේ හිත ලොකු කුතුහලයක් ගේනවා සිම්රන්.. අපි ගේ ඇතුල බලලා ඉමු.."

සිමන්ගේ ප්‍රශ්ණයට දෙන්නට සෑහෙන තරමේ පිළිතුරක් නොතිබුන එරිකෝ අඩි සළකුණට මදක් ඉදිරියෙන් වූ තරමක් විසාල ජනේලය ලගට ආ එරිකෝ ඒ තුලින් නිවස දෙස හොදින් නිරීක්ෂණය කරන්නට විය.. නිවස පුරාවට පැතිර තිඹුන අදුර එරිකෝ බලාපොරොත්තූ වූ කිසිවක් බලාගැනීමේ අරමුණ වලකා දැම්මේය.. විසල් ජනේලය හැඩනංවමින් තිබූ බිදී ගිය එක් කුඩා හතරැස් ජනේලයකින් අපහසුවෙන් ඇතුලට අත දාගත් එරිකෝ එහි අගුල විවර කර ජනෙල් පියන හැරියේ මලකඬ කෑ සරනේරු අතරින් විශාල ශබ්දයක්ද නංවමිනි..

" එරිකෝ, ඔයා මොනවද ඔය කරන්නේ?"

පිළිතුරක් දෙන්නට වුවමනාවක් නොකල එරිකෝ විවර වුන ජනෙල් පියන අතරින් නිවසට ඇතුළු වුනේ සිම්රන්ටද අපහසුවකින් තොරව එන්නට අත දිඟු කරමින්ය.. මුළු නිවස පුරාවටම රැදුන අදුරත් නාසයට දරාගත් නොහැකි තරමට හමා ආ දුඟදත් ඔවුන්ගේ සිතුවිළි මොහොතකට අවුල් කරන්නට සමත් විය..

" මොකද්ද එරිකෝ ඒ?"

" කාලයක් තිස්සේ එළියක් වැටුනේ නැති නිසා වෙන්න ඇති සිම්රන්.. ඒ ඇරත් පොඩි හුළගක්වත් එන්න බැරි තරමටම හැමදේමත් වහලා දාලනේ..  ඉන්න මම තාමත් මේ ගෙදර විදුලිය තියෙනවද කියලා බලන්න.."

ජනේලය අතරින් වැටුන හිරු එළිය අතරම නතර වුන ඇය එරිකෝ ඇවිදන් යන අදුර දෙස කුතුහලයෙන් බලාගෙන සිටියේ අඳුරට ඇගේ හිතේ තිබූ අකමැත්ත නිසාවෙන්ය.. ගෙවුන කෙටි වෙලාව වුවත් ඇගේ හිතට එක් කල නොසංසුන් කම මඟ හරවාගන්නට අවට දෑ පරීක්ෂාකරන්නට වුවත් අදුරත් සෑම දෙයක්ම වසාගෙන බැඳ තිබු මකුළු දැලුත් ඇයට භාදා කලාය.. අදුර අතර අපහසුවෙන වුව ඒ මේ අත යොමුකරන්නට වුන දෑස සුදු එළියකින් වසාගනිමි නිවසේ සියළුම විදුළි එළි දැල්වුනේ ඇය බලපොරොත්තූ නොවූ වේලාවකය..

ඉපැරණි ගෘහභාණ්ඩ වලින් සැදුම්ලත් නිවස වලවුවක මෙහෙකාරයන් නවාතැන් ගෙන සිටින නිවසක් යැයි දුටු පමණින්ම කිසිවකුටවත් කීමට නොහැකි වන තරමටම එය තරමක් සැප පහසු නිවසක් වීය.. නිවසේ ඇති සෑම දෙයක්ම තදින්ම වසාගෙන තිබුන මකුළු දැල් ඇතැම් විටක ඒ අතරින් බලන්නට පවා නොහැකී තරම් විශාල ඒවා විය..

" අපරාදයක් වුන තැනක් මේ තරම්ම පාළුවට ගිහින් තියෙන්න පුළුවන්ද එරිකෝ? අනික වැඩි කාලයකුත් නැහැනේ.."

" බැහැ සිම්රන්.. උසාවියේ නඬුව ඉවර වුනෙත් ලගදි හන්දා එහෙම වෙන්න තියෙන ඉඩකඩ අඩුයි.. ඒත් මෙතන අපි බලාපොරොත්තු නොවෙන හුඟක් දේවල් සිද්ද වෙලා තියෙනවා.."

" මටත් එහෙම හිතෙනවා එරිකෝ.. දැන් අපි මොකද කරන්නේ?"

" හ්ම්ම්.. අපිට වුවමනා දේවල් හොයන්න තියෙන ඉඩකඩ හුඟක් අපිට දැනටමත් ඇහැරිලා  තියෙන්නේ.. ඒත් කමක් නැහැ සිම්රන්.. අපි පුළුවන් විදිහට උත්සාහ කරලා බලමු.."

දුහුවිල්ලෙන් වැසී ගිය සෑම තැනක් අතරෙම මගහැරුන හෝඬුවාවක් සෙවීම බෙහෙවින්ම දුශ්කර ක්‍රියාවක් වුවත් ඒ උත්සාහය අත හරින්නට එරිකෝට උවමනාවක් නොවීය.. ආලින්දයේ එක් පසක වූ නොයෙකුත් බඩු බාහිර ආදිය අතරින් එරිකෝ ගමන් කරමින් සිටියදි සිම්රන්ගේ නෙත් යොමුව තිබුනේ ආලින්දයේ අනික් පස බිත්තියේ වූ ඡායාරූප දෙසටය..

" එරිකෝ.. මං හිතන්නේ මේක අනික් හැමදේකටම වඩා වටිනවා කියලා.."

විලියම්ස් පවුලේ සියල්ලක්ම හිදි ඡායාරූපය දෙස එරිකෝ බලා සිටියේ බොහෝ උනන්දුවෙනි.. එය බොහෝ කාලයට ඉහත ගත් සේයාරුවක් බව බැළු බැල්මටම පෙනෙන්නට වුවත් එහි ඉදිරි පෙලම සිටි කුඩා ළමුන් අතර එක් මුහුණක් එරිකෝට හොදින් හුරුපුරුදු බව අහම්බෙන් මෙන් දැනෙන්නට විය..

" මයිකල්.."

එරිකෝට මයිකල්ගේ නම කියවුනේ අහම්බෙන් මෙන්ය.. ඒ ළමාවියේ හැඬ හුරුකම මයිකල්ට හොදින්ම ගැලපෙන්නට වීම එරිකෝගේ හිතේ කුතුහලය තවත් වැඩි කරන්නට විය..

" මයිකල් මේ පින්තූරේ ඉන්නේ කොහොමද එරිකෝ?"

" මටත් ඒක හිතා ගන්න අමාරුයි සිම්රන්.. සමහරවිට මයිකල්ගේ පොඩි කාලේ ඉදන්ම මේ පවුලත් එක්ක ලග හිතවත්කමක් තිබුන නිසා වෙන්න පුළුවන්.."

වැඩි කාලයක් ඡායාරූප අතරට  නොයෙදූ එරිකෝ ඉන් මිදී අනෙකුත් දෑ පරීක්ෂාකරන්නට විය.. බිත්තිය පුරාවට රැදුන පැරණි හා වර්ථමාන ඡායාරූප දෙසට හොදින් අවදානය යොමුකරමින් සිටි සිම්රන් නිවස තුල මියගිය අයගේ හැඩරුව දැන සිටි නම්  වලට ගලපමින් ඔවුන් ගැන දල අදහසක් තනාගන්නට උත්සාහයක  යෙදුනාය..

" සිම්රන්.."

කල්පනාවෙන් මිදුන සිම්රන් ආලින්දයට තරමක් ඈතින් වූ කොරිඩෝවාක් අසල හිදි එරිකෝ වෙතට ඉක්මනින් ගියේ ඔහුට වැදගත් යමන් හසුවී ඇතැයි යන උපකල්පනයේ හිදිමින්ය..

" ඇයි එරිකෝ?"

" බලන්න.."

දුහුවිල්ලෙන් පිරි ගිය කොරිඩෝවේ එරිකෝ තම දකුණත දිගු කරමින් දිගු කරමින් පෙන්වූ දෙය සිම්රන් බැළුවේ කලින්ටත් වඩා වුවමනාවෙනි.. නිවසට ඇතුළුවන්නට පෙර ගෙමිදුලේ දුටු අයුරින්ම කොරිඩෝවේ සටහන් වුන අඩි සළකුණ ඔවුන්ගේ හිතේ කුතුහලය තවත් වැඩි කරන්නට විය..

" දැන් නම් මේක තවත් සංකීර්ණ වෙනවා එරිකෝ.."

" ඔවු සිම්රන්.. මටත් මේකේ පැටළුම් ලිහා ගන්න දැන් නම් හුඟක් මහන්සි වෙන්න වෙන පාටයි සිම්රන්.."

" මේ අඩි සළකුණු අද හරි ඊයේ හරි සටහන් වුන ඒවා නේද එරිකෝ?"

" ඔවු සිම්රන්.. උසාවියෙන් ගෙදරට සීල් තියලා තියෙන්නේ වුනත් අපි මෙහේ එන්න කලින් තවත් කවුරු හරි මෙහේ ඇවිත් තියෙනවා.."

" ඒත් කිසිම දෙයක අඩුවක් පේන්න නැහැනේ එරිකෝ.. කවුරු වෙන්න පුළුවන්ද හදිස්සියෙම අපිට කලින් මෙහෙ ආව කෙනා.."

" ඇත්ත සිම්රන් ගෙදර කිසිම දෙයක් වෙනස් වුන බවක් පේන්න නැහැ.. එහෙම තිබුනනම් අපිට ඒක දැන ගන්න එක එච්චරම අමාරුවක් වෙන්නේ නෑ.. කවුරු නමුත් අපිට කලින් මෙහේ ඇවිත් තියෙනවා.. අපිට හොදින්ම කියන්න පුළුවන් එකම දේ ඒ මයිකල් වැඩ්මිලර් නෙමෙයි කියන එක.."

" එරිකෝ, ඒ පොලිස් රථ වල සද්දේ නේද?"

කතාබහ අතර තුරම නිවසට එපිටින් ඇසුන පොලින් නිල රථ වල නාදය ඔවුන්ගේ කතාවටත් සෝදිසි කිරීමටත් බාදාවක් විය..

" ඔවු සිම්රන්.. මම හිතන්නේ අපිට යන්න වෙලාව හරි.."

නිවසේ දැල්වුන විදුළි පහන් නිවා දැමු ඔවුන් පෝලිසිය නිවස අසලට එන විටම එයින් පිටවූයේ නිවස තුලට ඉවුන් ගිය බවක් නොහැගෙන පරිද්දෙනි.. ගේට්ටුව අසල රැදී වුන් රියැදුරුගෙන් ප්‍රශ්ණ කරමින් උන් පොලිස් නිලධාරින් අසලට ඔවුන් පැමිනෙද්දි හැමෝගෙම අවදානය ඔවුන් දෙසට යොමුවූයේ නිරායාසයෙනි..

" සුභ සන්ද්‍යාවක් මහත්වරුනි.."

" සර්, ඔබ කලේ නීති විරෝධි දෙයක් කියන එක ඔබ දන්නවද?

" මම රහස් පරීක්ෂක එරිකෝ හන්ටර්.. ඒ වගේම මම නීතීඥ්ඥයෙක්.. මම හිතනවා උසාවියෙන් පොලිස් ස්ථානයට මේ හැම දෙයක් ගැනම දැනුවත් කරලා ලිපියක් ලැබෙන්න ඇති කියලා.."

පොලින් නිළදාරින් ඔවුනොවුන් දෙස මොහොතක් බලාසිටියේ සිදුවන කිසිවක් ගැන ඔවුන් නොදැන සිටි බව හඟවමිනි..

" අපිටනම් එහෙම දෙයක් ගැන දැනුම් දීලා නෑ.. කොහොම නමුත් ඔබට පුළුවන්නම් අපිත් එක්ක දැන් පොලිස් ස්ථානයට යමු.. ඒක අපි දෙගොල්ලන්ටම පහසුවක් වේවි.."

" හරි අපි යමු.."

වැඩ්මිලර් වලවුවේ වාහනයට නැඟුන එරිකෝත් සිම්රනුත් බර්මින්හැම් නුවර ප්‍රාන්ත පොලීසිය බලා පිටත් වූයේ ඔවුන් පිටුපසින් පැමිනෙන පොලිස් රථයද සමගිනි.. අඩ හෝරාවක පමණ කාලයක් කඳුකර පෙදෙසේ වණ ලැහැබ් අතරින් ආ ඔවුන් බර්මින්හැම් නගරයට පැමිණේන විට දහවලට ලගා වෙමින් තිබුනේය..

" එරිකෝ අර කිවුව ලිපිය පොලීසියට ලැබිලා තිබුනොත් හොදයි.."

බොහෝ වේලාවක් පුරා රැදි නිහැඬියාව බිදිමින් සිම්රන් ඇගේ හඬ අවදි කලේ ඈතින් බර්මින්හැම් පොලිස් ස්ථානයේ නාම පුවරුව දිස්වෙද්දීය..

" මේ වෙද්දී එන්න ඕන සිම්රන්.. ඔයා කලබල නැතුව ඉන්න.. අනික ඒක නාවත් කරන්න ඕන දේ මම දන්නවා.."

පොලිස් ස්ථානය ලග නතර කල වාහනයෙන් නික්මුන් එරිකෝත් සිම්රනුත් පොලිස් ස්ථානයට ඇතුළු වූයේ ඔවුන් සමග ආ නිළදාරින්ද සමගිනි.. පොල්ස් ස්ථානාධිපතිගේ කාර්යාලය අසල මොහොතකට නතර වුන ඔවුන් අනික් නිලදාරින් දෙදෙනා සියල්ලක්ම ඔහුට පවසන තුරු කාර්යාලයෙන් පිටතට වී බලා සිටියේය..

" මිස්ටර් එරිකෝ, ඇතුලට එන්න.. අපිට උසාවියෙන් ආව ලිපිය ලැබුනා.."

කාර්‍යාලයේ දොර අසලට ආ ස්ථානාධිපති වරයා එරිකෝව පිළිගත්තේ උසාවියෙන් ඔහුට ලැබී තිබු ලිපියද අතැතිවය..

" ඒත් මිස්ටර් එරිකෝ පරීක්ෂණ පටන් ගන්න කලින් ඔබට මුලින්ම අපිව මුණ ගැහෙන්න තිබුනා.. එහෙනම් අනවශ්‍ය ප්‍රශ්ණ එන්නේ නැහැනේ.."

" ඇත්ත, ඒත් හැම දේකටම වැඩිය මට මගේ පරීක්ෂණ වල නිදහස හුඟක් බලාපොරොත්තු වෙනවා.. අනික මම බර්මින්හැම් ඇවිල්ලත් පරික්ෂණ පටන් ගන්න පරක්කු කරන එක අපරාධකාරයට කරන උදවුවක් වෙනවා.. අන්න ඒ නිසයි ඉස්සෙල්ලම මම විලියම්ස්ලගේ ගෙදර ගියේ.."

" අපරාධකාරයා දැනටමත් ඉන්නේ හිර ගෙදරනේ මිස්ටර් එරිකෝ.."

" ඒ දැනට අපි හැමෝම දන්න දේ.. ඒත් අපි හැමොම දන්නේ දේ නිවැරදිමද කියන ප්‍රශ්ණේ තියෙන නිසානේ මම බර්මින්හැම් ආවෙත්.."

" ඒ කියන්නේ මයිකල් වැඩ්මිලර් නිවැරදි කියලද ඔබ කියන්නේ?"

" මට ඔබටත් කියන්න තියෙන්නේ ඔය ප්‍රශ්ණේ මගෙන් අහපු අනික් අයට දුන්න උත්තරේමයි.. මම තාම ඒ ගැන කිසිම නිගමනයකට එන්න හදිස්සි වෙන්නේ නෑ.."

" හ්ම්, හොදයි.. ඔබට අපෙන් මොනවද කෙරෙන්න ඕන?"

" විලියම්ස් පවුලේ හැම මරණයක් ගැනම තියෙන  වෛද්‍ය වාර්ථා, පොලි ස් වාර්ථා, මරණ පරීක්ෂණ වාර්ථා හැම එකකම පිටපත් අද මට ලබාගන්න පුළුවන්නම් හොදයි.."

" හරි.. මම පැය බාගයක් ඇතුලත ඒ දේවල් ලෑස්ති කරලා දෙන්නම්.."

" විලියම්ස්ලගේ නිවසට මුද්‍රා තියලා දැන් කොච්චර කල් වෙනවද?"

" මාස හයක් විතර.."

" ඊට පස්සේ කවුරුවත් එහි ගියාවත් ඒ ලග ගැවසුනා කියලවත් පැමිණිල්ලක් හරි හෝඩුවාවක් හරි ලැබිලා තියෙනවද?"

" අද උදේ ඔබලා ආවා කියන ආරංචිය ඇරෙන්න වෙන කිසිම දෙයක් නෑ.."

" හොදයි.. විලියම්ස්ලට නෑදෑ වෙන තව කවුරුවත්ම නැද්ද බර්මින්හැම් වල.."

" නැහැ.. විලියම්ස්ලා කාලෙකට කලින් බර්මින්හැම් ඇවිත් තියෙන්නේ වැඩ්මිලර් වලවුවේ වතු වැඩ වලට.. ටිකින් ට්ක ඒ පවුලේ හැමෝම වගේ බර්මින්හැම් ඇවිත් තියෙනවා.. ඒ හන්දා මම හිතන්නේ නෑ තවත් කවුරුවත් ඇති කියලා.."

කතාබහ අතර තුරම එරිකෝට ලැබුන වාර්ථා සියල්ලම සිම්රන්ට ලබාදුන් එරිකෝ පොලිස් ස්ථානයෙන් නික්මන්නට සූදානම් වූයේ වාර්ථා සියල්ලක්ම නිදහසේ  පරීක්ෂා කිරීම වැදගත් බව ඔහු නිතැතින්ම දැන සිටි නිසාවෙනි..