නිවාඩුවට එනකල්

උදේ දවල් රෑ වෙනකම් දුරකථනය
ලඟම අමතනකම් ඉන්නෙ බලන්
සුදු මහත්තයෝ කියන්න මට
එන නිවාඩුවත් අත ලඟයි නේද
මේ නිවාඩුවට ලංකාවට ඇවිත් යන්න
මගේ මහත්තයත් එනවා නේද...

සුදු හාලේ බතට සම්බෝලය
හදාගෙනම බලන් ඉන්න
තම්බපු දෙල් ගෙඩියේ රසට

ලුණු මිරිසක් කොටලා ගන්න
මගේ රංකඳ එන දවසක්
කල් ඇතුවම මට කියන්න...

අවුරුද්දට අම්මා දුන්නු ගවුම
මම තව නෑ ඇඟට දැම්මේ
නුපුරුදු සුවඳක් අරගෙන
එනවිට සුපුරුදු ගම්මානෙට
මේ මැණිකෙගේ හැඩ මුලින්ම
සුදු මහත්තයාම බලා ගන්න...

ඔට්ටුයි රට මහත්තයෝ
වැඩියම සුදු මේ මැණිකේ
පණ හිටියට සුද්දන්ගේ රටේ
පරද්දන්න බැ මේ මැණිකේ
ආදරේට ඔච්චම් කලේ
තරහද සුදු මහත්තයෝ...

ඔය පපුවට තුරුල් වෙන්න
ආසයි උණුසුම විඳින්න
මගේ උකුලේ හිස තියාන
පොඩි දරුවෙක් වගේ නිදාගන්න
ඉක්මනටම සුදු මහත්තයෝ
නිවාඩුවට ගමරටට එන්න...

___ මදාරා උමගිලිය ___

දවසක් ගෙවිලා ගිහින් ආයෙම දවස උදා වෙලා ඔයා එක්ක කතා කරන වෙලාව වෙනකන් මේ හිතට දැන් ඉවසුමක් නෑ සුදූ.. මටම තේරෙන්නේ නෑ මට දැන් මොකද වෙලා තියෙන්නේ කියලා.. ඔය හිත ලග මගේ ජීවිතේ දැන් බැඳිලා ඉවරයි සුදු..

ඔයා එක්ක කතා කරන හැම මොහොතක්ම මගේ ජිවිතේට ගේන්නේ සතුටක්.. මට නොතේරෙන හැඟුම් පෙලක මේ ජිවිතේ ගලාගෙන යනවා වගේ මට දැනෙනවා..

අවුරුදු ගානක් තනියම ඔහේ ගෙවුන ජීවිතේ අහම්බෙන් වගේ ඔයා ලඟ නතර වෙයි කියලා ඔයා එක්ක මුලින් කතා කරපු දවසෙ මට හිතුනේ නෑ.. ඒත් අපේ ජීවිත වල මොකක් හරි බැදීමක් තියෙන්න ඇති.. අහම්බෙන් හම්බවෙලා අකුරු අතරේ එතිලා කතා කරලා මේ තරම් ආදරයක් මම ඔයාට කරයි කියලා මම කවමදාවත් හිතුවේ නෑ...

තාම මම උත්තරයක් දන්නේ නෑ මම ඔයාට මෙච්චරම ආදරේ ඇයි කියලා.. මේ මුලු ලෝකෙටම කෑ ගහල කියන්න හිතෙන තරමටම මම ඔයාට ආදරෙයි සුදු.. ඒ හින්දම වෙන්න ඇති ඔයා නැති ජීවිතයක් ගැන මට හිතා ගන්නවත් බැරි..

පුළුවන් තරම් ඉක්මනට ඔයා ලගට දුවන් ඇවිත් ඔයාට තුරුල් වෙලා ඔය ආදරේ විදින්න මගේ හිත කෑ ගහනවා සුදු.. එහෙම බෑ කියලා දැනෙද්දි මට මාත් එක්ක ඇති වෙන්නේ ලොකු තරහක්.. මේ කාලය ඉක්මනට ගෙවිලා යනවනම්..

ජිවිතේ එක ලස්සනම හීනයක් මම බොහොම කාලෙකට පස්සේ දකිනවා.. ඒ ඔයා එක්ක.. ආදරෙයි සුදූ මම ගොඩාක්....

ගොඩක් කාලයක් ආදරේ පස්සෙන් හොයන් ගිහින් මහන්සි වෙලා ඒ හැම දෙයක්ම අත ඇරලා දාපු කෙනෙක් මම.. ඒත් මාව තාම හරියට දැකලවත් නැති ඔයා මට ආදරේ කලා.. අළුත් ජීවිතයක් අරන් අවා..

මගේ මේ සරළ ජීවිතේට ගැලපෙන එකම එක්කෙනා ඔයා.. ගොඩාක් හැගුම්බරව අරන් ආපු ඔය ආදරේට මම ගොඩක් ආදරෙයි.. ඔයාගේ ඔය හිනාව තරම් වෙන කිසිම දේකට මගේ හිත ආස කරන්නේ නෑ.. ඔය හිත ලගට එන ඕනම දුකක් ආදරෙන් මම බාර අරන් මට වාසනාවක් වුණ හිනාව ඔය හිත ලග තියන්න විතරයි මට ඕන..

මම ගොඩක් ආදරෙයි සුදූ.. මගේ ජීවිතේට පමා වෙලා ආපු කවියක් ඔයා. මේ කවිය මම ජීවිතේ පුරාවටම ආදරෙන් ලියනවා.. කවදාවත්ම නැති සෙනෙහසකින්..

මම මේකට පිළිතුරු කවියක් ලියන්නේ නෑ.. මේකේ ලස්සන මම මෙහෙමම තියෙන්න අරිනවා.. කවියත් එක්ක මාව ටැග් කරලා ඔයා දාපු මෙන්න මේ වචන ටිකටත් මම ගොඩක් ආසයි..

"කොහොම හරි වැඩිම වෙලාවක් අරන් ලිවුව එකම දේ මේ සිතුවිලි ටික වෙන්න ඇති ජිවිතේටම. එත් හිත පිරිලා ගොඩක්.."

කියන්න තියෙන දේවල් ටිකකට නතර කරන්නම්.. හැමදේම ඉක්මනින්ම කියලා දාන්නත්  හොඳ  නෑනේ.. :)