Monday, 24 September 2012

ආදරේ සුවද මට



අහස හැර යන සරා සඳ ලග
දේදුන්නක්ව පායන්න
සිහින ගෙන නිම්තෙරට
නුඹත් ඇවිත් ඉන්න..

රෑ අහසේ තරු පිපුන සඳපානේ
බොරළු ගල් අඩි පාරේ
සේපාලිකා මල් වැටුන සීතලේ
ඇවිදින්න එනවාද මාත් එක්ක..

සිත නිවන බෝ මළුවේ
සැලෙන බෝපත් අතර
සුදු නෙළුම් පොකුරකට පැන් වගේ
ගිලන් වූ හදට පිරිත් පැන් නුඹ වන්න..

සිනිදු පිනි බිංදු මත නුඹ ඉන්න
නිල්ල පත් දිගේ විත් සිඹගන්න
ආදරේ වැලිතලා මත විසිරෙන්න
සෙනෙහසේ හද කවුළු හැර දෙන්න..

විහඟ ගී ඇහෙන හිමිදිරියේ
හිරු කුමරු රහසින්ම වඩින විට
බුදු පහන ලග නැගෙන සුවද වගේමයි
නුඹ දුන්න ආදරේ සුවද මට..


______ මදාරා උමගිලිය _____


ආදරේ කියන අකුරු හතර අතරේ කොච්චර තේරුමක් හංගිලා තියෙනවද? අවුරුදු ගානක් පාළුවට ගිහින් තිබ්බ හිතට ඇත්තටම තනිකම හුරු වෙලා තිබුනේ.. ඒත්, අහම්බෙන් වගේ ඔයා ඇවිත් කොච්චර නම් දේවල් වෙනස් කරල ගියාද? ඔයා ඔය ගොඩක් ලස්සනයි කියන, ඔයා ඇරෙන්න වෙන කවුරුවත්ම දැකල නැති හිනාව මට ඇත්තටම අරන් ආවේ ඔයා.. 

ජීවිතේ ලස්සනයි ඇත්තටම.. දවස තිස්සේ කොච්චර කතා බහ කලත් හැමදම රෑට දිගම දිග මැසේජ් එක්ක ලිවුවත් මේ කියන්න තියෙන දේවල් තාමත් අසම්පුර්ණයි කියලා හිත්ට දැනෙනවා.. ඒ දේවල් මෙහෙම හරි ලියලා තියන්න ඕන කියලා හිතුවත් මේ අකීකරු සිතුවිළි හරි හැටි තාමත් මට ලියා ගන්න  බැරි හැටි..

ජීවිතේ එක ලස්සන හීනයක් මම බොහොම කාලෙකට පස්සේ දකිනවා.. ඒ ඔයා එක්ක...



සඳ කුමරිට අත වනාගෙන
දේදුන්නක පාට අරගෙන
ලස්සන හීනෙක කතාවක්
අරන් එන්නම් නුඹ ලගටම..

පින්න මතින් මල් වැටුන
සේපාලිකා මල් සුවදක
හෙමීට නුඹත් එක්ක ඇවිදින්න
මම ඉන්නම් මග බලාගෙන..

රිදුන, දුක් උන හිතකට
තවරා ආදරය හෙමිහිට
සතපන්නම් මගේ හිත මතම
ආදරෙන් ආයෙම හිනැහෙන්න..

නවතින්න ආදරෙන් හැමදාම
විවර කල ආදරේ හිතක
නුඹ නවතින්න හැමදාටම
දොරගුළු වසාගෙන හෙමිහිට..

නුඹට ආදරේ හිමිදිරියක
පායා විත් නුඹ ලගටම
හිරු කුමරුව ඔය ආදරේට
සුවද වෙන්නම් ඔය හිතට..

රැදෙන්නම් ඔය හිත ලගම
 තවරා හිරු කිරන ආදරෙන් හිතට
සැගවෙන්නම් මොහොතකට ඈත
මම ආදරේ සඳවතිය දැක ගන්න..

පායා විත් නුඹ මගේ රෑ අහසට
හිනැහෙන්න සඳවතිය හෙමිහිට
තරු අතර රැදී එළියක්ව
ආදරේ අරන් එන්න හීතල සුළගක..


_____ දිනේෂ් උමගිලිය ____





85 comments:

  1. බැන්දට පස්සේ කියන්න තියෙන දේවල් අතුරුදහන් වෙනවා මලයා ටික කාලෙකින් ... අත්දැකීමනේ කියන්නේ.. හි හි...

    නෑ නෑ.. ඔයාලට එහෙම වෙන එකක් නෑ... දෙන්නම ආස එකම දේවල් වලටනේ... එත‌කොට කතා කරන්න දේවල් ගොඩක් තියෙනවා... ඒක හරි හොදයි... හි හි..

    මේ ආදර කතාවේ මට තාම අහුවුනේ නැති අහුමුළු ටිකක් තියෙනවා.. ( මං අනුන් ගේ දේවල් හොයනවා අඩුයි...ඒත් මේ දැකපු අහපු දේවල් වලින් ඇතිවුන කුතුහලය නිසා.. ) පස්සේ දවසක අහලා දැනගන්න පුළුවන් වෙයි නේ.. නේද.....

    කවි ගැන නම් සුදෝ... නෝ අයිඩියා... සොරි.....

    ReplyDelete
    Replies
    1. අනිවා අක්කේ.. බැන්දේ නැතැත් අවු 6ක් 7ක් ලව් කරන කොටත් අන්තිමට කියන්න දේවල් නැති වෙනවා..

      Delete
    2. මේ ඇත්තද අනේ. මට හිතෙන්නේ... ඊටත් කලින් ඕක වෙනවා ඇති. බයත් හිතෙනවා අප්පා...:D

      Delete
    3. This comment has been removed by the author.

      Delete
    4. හිරු අක්කේ, අෆ්ෆේ එහෙම නොවි ඉන්න වග බලා ගන්න ඕන.. හැබැයි ඉතින් අපි දෙන්නා දවසට පැය 6-7 කියවන හැටියට ඉස්සරහට මොනා හරි හොයාගෙන කතා කරන්න පුළුවන්.. මෙයාගේ කියවිල්ල මම දන්නවනේ... ;)

      Delete
    5. මල්සරා, එහෙම කියන්න එපා මචං.. කතා කරන්න දේවල් ඕන තරම් තියෙයි..

      Delete
    6. පොඩ්ඩි අක්කා, ඔයා බයයි කියල කොහේ හරි ලිවුවා දැක්කමද මන්දා..

      Delete
    7. හිරු අක්කේ, අමතක උනා.. මොනාද හලේ අහන්න තියෙන්නේ.. ඔයා මගේ බුකියේ ඉන්නවද?

      Delete
    8. //බැන්දේ නැතැත් අවු 6ක් 7ක් ලව් කරන කොටත් අන්තිමට කියන්න දේවල් නැති වෙනවා..//
      අපෝ බොරු.........

      Delete
    9. //බැන්දේ නැතැත් අවු 6ක් 7ක් ලව් කරන කොටත් අන්තිමට කියන්න දේවල් නැති වෙනවා.
      මේක නම් ලොකු ම බොරුවක් මගේ අත්දැකීමේ හැටියට. අවුරුදු 6-7ක් නෙවෙයි ඊටත් වැඩි, අත් දුටු ප්‍රත්්යක්ෂ තියරියකි. කවි නම් ලස්සනයි හැමදාමත් වගේ!

      Delete
    10. හි හි... ලහිරුට නම් තාම මේ වැඩේ වෙලා නෑ ද කොහෙද... ඒහෙනම් හොදයි...

      අනේ මන්දා පොඩිඩි.. මට නම් එහෙමයි... හි හි..

      දිනේශ් මම ඔය බුකිය නම් පාවිච්චියක් ඇත්තෙම නෑ....

      මට මේ සර්නේම් එක මතක තිබ්බ නිසා අහන්නේ... උමගිලිය කියලා කොල්ලෙක්ගේ ෂර්ලොක් හෝමස් පරිවර්තන වගයක් දැක්කා එක්සිබිෂන් එකේ... නෑයොද කියලා අහන්න හිතුවා....

      Delete
    11. නිසූපා අක්කත් එහෙනම් දන්නවා වගේ.. :)

      Delete
    12. ලහිරු අයියේ, නැතුව නැතුව.. කතා කරන්න දේවල් නම් ඕන තරම් තියේවි..

      Delete
    13. හිරූ අක්කේ, බුකිය තිබ්බනම් කතා කරන්න තිබ්බා.. හෙහ්.. අක්කා අපේ නෑයන්ගේ පොස්ට් දෙකම කියෙවුවා නේද? ඒ හන්දා මම දන්නේ උමගිලියලා 6 දෙනයි.. ඒ කෙනෙක් නම් නෙමෙයි ඔන්න පොත ලිවුවේ.. :)

      Delete
  2. අපිනම් දන්නෙ නෑ ඔව්වා

    ReplyDelete
    Replies
    1. අපිත් දන්නේ නෑ.. :)

      Delete
  3. කවි දෙකම ලස්සානයි.. තරහ වෙන්න එපා දිනේෂ් මලයො මධාරගෙ කවියට වැඩිපුර කැමැතියි...

    බොලා දෙන්නගෙ ජීවිතෙත් මේ කවි වගේම ලස්සන වෙන්න ඔනේ..

    ජය ජය !!!

    ReplyDelete
    Replies
    1. This comment has been removed by the author.

      Delete
    2. බෑ බෑ.. තරහා වෙන්නම වෙනවා.. කවිය ලස්සනයි කිවුවට නෙමෙයි නම වරද්දලා ලිවුවට... :)

      තැන්කූ තැන්කූ අයියේ... :)

      Delete
    3. නෑ නෑ එහෙම තමයි නම මධාරා :පි

      Delete
    4. මේ කපුනෝනෝ අනන්මනං කියන්න එපා හලි.. :)

      Delete
  4. දෙන්නාගේ ආදරේ නම් දෝරේ ගලනවා පේනවා...:D

    ReplyDelete
    Replies
    1. ලබන අවුරුද්දේ මුණ ගැහිලා ඒ ආදරේ විදිනකම් ඉවසුමක් නෑ පොඩ්ඩි අක්කේ... :)

      Delete
  5. ලස්සන කවි ටික..
    මේ වගේ මී පැණි වෑහෙන ආදරයක් බ්ලොග් අවකාශෙ තියන එක කොච්චර හොඳද අප්පා..

    ReplyDelete
    Replies
    1. තැන්කූ තැන්කූ රෑ අක්කේ..

      අපි දෙන්න විතරක් නෙමෙයි අක්කේ.. තව අයගේ ආදර කතා තියෙනවා.. ඉස්සරහට ආරංචි වෙයි හොදේ.. :)

      Delete
  6. අනේ අපි නං දන්නෑ! :) :) anyway! සුභපැතුම්!

    ReplyDelete
    Replies
    1. දැන් දන්නවනෙ නේ... :)

      තැන්කූ..

      Delete
  7. ෂෝයි අනේ.
    කවි පෙම් පත් :) :)

    ReplyDelete
    Replies
    1. තැන්කූ ප්‍රමුදි.. :)

      Delete
  8. ආදරේ කරන දෙදෙනෙක් මේ වගේ ලියනකොට හරිම සුන්දරයි . ඒ දෙන්නගේ හිත් අපිත් කියවනව වගේ කියල හිතෙනව . හැමදාමත් මේ ආදරේ නැවුම්ව තියාගන්න .

    ReplyDelete
    Replies
    1. හැමදාම ලියවෙන ඒවා දැම්මනම් මට වෙන ලියන්න දෙයක් වෙන්නේ නෑ අක්කේ.. හැම්දාම උදේට එයාට බලන්න කවියක් මැසේජ් කරලා උදේ මම නැගිටින්නේ එයා ඒකට ලියලා තියෙන්නේ මොකද්ද කියලා බලන්න ආසාවෙන්... :)

      Delete
  9. අයියගෙයි අක්කිගෙයි දෙන්නගෙම හැකියාව අනර්ඝයි.

    ජය!

    ReplyDelete
    Replies
    1. තැන්කූ තැන්කූ නංගියෝ..

      Delete
  10. Replies
    1. හා හා.. ඇත්තම කිවුවොත් ඔයාගේ කවිය තමයි ලස්සනම සුදු..

      Delete
  11. ම්ම්ම් එකකට එක්ක නොදෙවෙනි ආදර සිතුවිලි දෙකක්.... ලස්සනයි ප්‍රේමණීයයි

    ReplyDelete
    Replies
    1. තැන්කූ මගේ කවි අක්කේ... :)

      Delete
  12. හරිම ලස්සනයි දෙන්නගෙම කවි දෙක පට්ට
    ජිවිතේ හොඳම දේවල් ලැබෙන්නේ පහුවට :)

    ReplyDelete
    Replies
    1. අහ් කපු නෝනා.. දැක්ක කල්.. කපුකම කලේ ඔයා නිසා පස්සේ ලැබෙන දේවල් ඔයා හොදට දන්නවා වගේ... :)

      Delete
    2. අනිවාර්යෙන් :ඩි

      Delete
    3. හා හා ඒක හොදයි.. මොනා හරි අවුලක් උනොත් මේක සාක්කියට තියා ගන්න පුළුවන්... :)

      Delete
  13. කියල වැඩක් නෑ දිනේෂ් අයියේ ආදරේ වැහෙන උතුරලා යන කවි හිත් දෙකක් ඇස් වහක් නෑ කටවහක් නෑ..

    ReplyDelete
    Replies
    1. තැන්කූ තැන්කූ පැතුම් මලයා... :)

      Delete
  14. මේන් හොරෙන් හොරෙන් කවි ලියලා එලි පිටම පබිලිස් කරලා..

    හි හි..

    ඇත්තටම කවි දෙකම ලස්සනයි..

    යුග දිවියට සුභාසිරි...!!!

    ReplyDelete
    Replies
    1. හොරෙන් නෙමෙයි මලයා.. මදාරගේ කව්යනම් ඇති එයාගේ බුකියේ..

      තැන්කූ තැන්කූ..

      "යුග දිවියට සුභාසිරි.."

      මෙන්න මේක සෑහෙන වටිනවලු හොදේ.. :)

      Delete
  15. කාලෙකින්ද මන්ද කවියක් දකින්න හම්බුනේ! අපි නොදැක්කට දෙන්න හෝ ගාල කවි හුවමාරු කරනව වගේ. කවි දෙකම නියමයි!

    ReplyDelete
    Replies
    1. බ්ලොග් එකේ කවියක් දැම්මෙනම් ගොඩක් කාලෙකින් තමයි ඇත්තටම.. හැබැයි කිවුවත් වගේ හැමදම ලියනවා.. හැමදාම ලියන එවා දානවනම් වෙනම බ්ලොග් එක්ක පටන් ගන්න වෙනවා.. :)

      Delete
  16. දෙන්න කවි ලියල බොරු නම් දාල වගේ..
    කවි ටික නම් පංකාදු පහයි අයියා..

    ReplyDelete
    Replies
    1. බොරු නම් නෙමෙයි සුදා මල්ලී.. ඇත්තම නම් තමා.. :)

      Delete
  17. අක්කගෙ කවි ටික තමයි වැඩිය ලස්සන.ඔයාගේ ඉතින් රිප්ලයි එක නොවැ.ඒක නිසා වෙන්න ඇති අක්කගෙ කවියට වඩා රස මදි.තරහ වෙන්නෙපා හොදද ඉස්සෙල්ල ආපු කනට වඩා පස්සෙ ආපු අග ලොකු වුණා කියල..D

    wish you two all the best......!

    ReplyDelete
    Replies
    1. හෙහ් හෙහ්.. එහෙම නේන්නම් වෙලා තියෙන්නේ.. හා හා ඒකට මොකෝ.. මම මොකො මදාරා මොකෝ..

      තැන්කු තැන්කු නංගියේ..

      Delete
  18. කවි දෙකම එකම වගේ ආදරේ පිරිලා ඉතිරෙනවා.....:)

    ReplyDelete
    Replies
    1. තැන්කූ ලිහිණි අක්කේ..

      Delete
  19. ජිවිතයම ලස්සන පද වැලක් වෙවා.............. අපුරුයි කවි සිත් 2 ක් එකට හම්බුනාම...............

    ReplyDelete
    Replies
    1. තෑන්ක්ස් සචිත්..

      Delete
  20. ආදරේට තියෙන ආදරේ තවත් වැඩි වෙනවා මේ ආදරේ දැක්කහම......

    ReplyDelete
    Replies
    1. ආදරේට අපි කවුරුත් ගොඩක් ආදරෙයි..

      Delete
  21. කවිය නම් නියමයි.
    ෆෝටෝ එකටත් අදාළ පුද්ගලයන් ආදේශ උණානම් නියමම නියමයි :) :) :) :) :)

    මගේ උණුසුම් සුබ පැත්ම් අක්කටයි අයියටයි දෙන්නටම !!!!! :) :) :) :) :)

    ReplyDelete
    Replies
    1. එහෙම ෆොටො එක්ක ගන්න අපිත් සෑහෙන ආසාවෙන් ඉන්නේ.. තව ටික දවසක් ඉන්න ඕනනේ ඉතින්... :)

      තැන්කූ අමා...

      Delete
  22. අඩේ බැන්දය?? අපි දන්නේ නෑ නේ :ඔ
    මයි දෙය්යෝ කාලය මැව් වෙනසක අරුමේ
    සුබපැතුම් එහෙනම්...

    ReplyDelete
    Replies
    1. බැන්දා බැන්දා.. ඇයි මතක නැද්ද මම සතියකට අතුරුදහන් උනා.. කවුරුවත් වෙලාවට ඒක මීටර් කරලා නෑ.. :)

      Delete
  23. අදයි බං උබේ පෝස්ටුවක් නිදහසේ බැලුවේ..

    ආදරය අනේ මන්දා දෝරෙගලා..

    ReplyDelete
    Replies
    1. සෑමා මේ දවස් වල සෑහෙන බිසි වගේ.. පවුල් පන්සල් වෙන්න ලගද මන්දා.. :)

      Delete
  24. වෙනද වගේම ලස්සනයි..
    ජයම වේවා ඔයාලට :)

    ReplyDelete
  25. godak kalekin awe...hamadama wage lassanayi kawi tika.issara idalama mama dineshge kawiwalata hari asayi.namuth kiyanna oni ada oyage kawiya paradayi wage haguna..oyage pilithuru kawiya lassanayi eke wenasak na namuth hariyata kiyeuwoth madarage kawiyata madiwage....

    kalekin awith panditha kathawak kiuwanam samawa duna manawa...

    subapathanawa hamadama oya adareta....

    ReplyDelete
    Replies
    1. ඔයාලට වගේ මට ලේසියෙන් මදාරට පිළිතුරු කවි ලේසියෙන් ලියන්න බෑ.. ඒ හන්දා එහෙම වෙන්න ඇති.. කෝමත් මදාරගේ කවිය ලස්සනයි.. මදාරා මගේ නිසා කිවුවා නෙමෙයි.. :)

      සෑහෙන කාලෙකින් නේන්නම්.. කෝ නංගී.. එයාව දැක්කෙත් නෑ කාලෙකින්..

      Delete
  26. එක ලෙස හිතන හදවත් තව ලං වේවා..
    හත් නිවුන්නු හත් පාරක් ඉපදේවා... :D

    ReplyDelete
    Replies
    1. හෆ්ෆා.. හත් නිවුන්නු හත් පාරක්.. උඹත් එක්ක බෑ ඇපල්... බැරිද මේ සුභ පැතුම සංශෝදනය කරන්න.. :)

      Delete
  27. දෙන්නගෙම කවි ලස්සනයි අයියේ...
    හැමදාම මේ විදියට උතුරන ආදරය පවතීවා කියලා හදවතින්ම සුභ පතනවා ඔයාල දෙන්නටම....:)

    ReplyDelete
    Replies
    1. අපිට ටෙඩීගේ ලෝකෙනුත් මෙහෙම කවි බලන්න පුලුවන් වෙයි නේද?

      Delete
  28. සුවඳ විහිදෙන මේ ආදරේ දෙදෙනා ලඟ සදාකල්ම රැඳේවා!

    ReplyDelete
    Replies
    1. ගොඩක් ස්තූතියි අක්කේ..

      Delete
  29. මේ සතුට හැමදාටම රැඳේවා!
    ඉක්මනටම සියරට පළ දිනේෂ් මචෝ.....

    ReplyDelete
    Replies
    1. අනිවා කස්සා.. කොහෙද මේ නිවාඩු හරහට හිටියනේ.. නැත්නම් මෙලහටම ලංකාවේ..

      Delete
  30. ජිවිතයේ අදුර මැද
    තනිවි සිටි මා ලගට
    අහමිබෙන් වුවද නුබ පැමිනි දින
    මා කිසි දිනක නොසිතුවෙමි..........
    මාගේ ජිවිතේ ආලෝකය නුබ පමණක්ම බව
    අසරණ වුණ මගේ හිතට.........
    දරා ගන්න බැරි තරමි ආදරයක් මට දෙද්දි
    කෙලෙසක නුබ හැර යමිද.........?

    කාලෙකට කලින් කොහෙදිදෝ දැකපු එකක් !

    -_ ‍ඩී -_

    ReplyDelete
    Replies
    1. කොහෙදි හරි දැක්ක එකක් උනත් හොදට මතයේ තිබිලා.. :)

      Delete
  31. දෙන්නගෙම කවි ටික ගින්දර ඈ... මරු ඈ..

    ReplyDelete
  32. ලස්සනයි ගොඩක් මේ කවිකම් දෙකම.. :)

    ReplyDelete
  33. ආදරේ කරන්නම ඕනේ ආදරේ දැනෙන්න. විරහව විදින්නම ඕනේ ඒ ගැන දැනෙන්න. ඒත් විරහව මොනතරම් දරුණුද දන්නේ ඒ විඳපු කෙනෙක් විතරක් හින්දා ආදරේ සැරටම දැනුනට කමක් නෑ.

    ReplyDelete
  34. මදාරා පරසතුවෙක
    හීන මල් පාට කල
    එනවාද සිපගන්න
    සන්තානයම සැනහෙන්න

    ReplyDelete

වර්ණයට පාටක් තවරා යන්න ඔබත්