ස්කයිප් ආදරය

තීර රෙදි දමා වැසු ජනෙල්

අගුළුලු දොරවල්

සීල් තැබු කලක මෙන් වැසු කාමරයක

හැරැනු තිරයක

සජීවි රැවක්

එබිකම් කරයි නිතරම.....

සුළඟට වැනෙන නැසෙන

නිතැම අවුල් වුන සබදතාවක් මගින්

එන යන දකින ඒ රැව

විටක තිත් මතින්

විටක කොටු මතින්

අපහැදිලිව බොඳවු දසුනක් වුවත්

මට පෙනෙන නොපෙනෙන ඒ රැව........

දැක නොදැක වුවද

මගේ සිත සනසන නුඹ

කෙටෙන අකුරක් වුවද මට

මහමෙරක සතුට ගෙනෙයි නිතර.....

______සිහින මදාරා උමගිලිය_____

කෙටිම කෙටි රාමුවක

මහා ආදරේ අහසක් හොයාගෙන

පියඹන්න හිතන

හිත් දෙකක කතාව..

විටෙක අකුරු අතර

විටෙක හඬ අතර

ආදරේ ඒ අළුත්ම මතකය

ජිවිතයට තිළිණ කල..

එන යන සම්බන්දතාව

අපේ සබදකම වැඩි කල

නොපෙනෙන රැහැන් අතර

සජීවි නුඹට හාදු පිදුව..

හදිසියේ නතර වෙන

හිත් රිදුම් අරන් එන

අපේ ආදරේ එකම එක

පෙම් කා‍ව්‍ය..

____ දිනේෂ් උමගිලිය ____

කවියක් නොවු සිතුවිල්ලක් උනත් මේකට සිතුවිල්ලක් අකුරු කරන්න හිත දෙන්නේ නෑ.. ඒ කවියේ හැම දේම ලිය විලා නිසා..

ආ.. ඔන්න ඔයා කැමතිම විදිහට ඔයාගේ නම වෙනස් කලා... :)