තීරණාත්මක ඔට්ටුව

යුරෝපා පාපන්දු කුසලානයත් එක්ක මේ ටිකේම යුරෝපෙම තිබ්බේ ටිකක් උණුසුම්ව.. ඉතින් ඔය උණුසුම අපේ ෆාමසියටත් ආවේ නැතුවම නෙමෙයි.. මුලින් ටිකක් ටිකක් අඩුවෙන් තිබ්බේ.. මොකද ඉතින් ඉතාලි ටීම් එක ගැන ශුවර් තියන්න බැරි නිසා..  කලින් වතාවේ ලෝක සූරයෝ උනාට අන්තිමේ තිබ්බ ලෝක කුසාලනෙන් මුල්ම වටෙන් එලියට විසි උනානේ..

පාපන්දු ගැන ඉතින් මගේ වැඩි දැනීමක් නැති උනාට ඕවා ගැන කෙරෙන කතා නම් මග අරින්නෙම නෑ.. මොකද වැඩ කරන වෙලාවේ කතා කිරිම අපේ පුරුද්ද නේ.. අමාරුවෙන් අමාරුවෙන් ඉතාලි ටීම් එක අවසන් පූර්ව,  අර්ධ අවසන් වට වලට එද්දි තරගේ ටිකක් උණුසුම් උනා.. ෆාමසියේ කම්පූටර් වලින් මැච් බලන තැනටම තරග උණුසුම ගියා.. ලොක්කා.. නෑ නෑ ඒකා නෑ.. කොහේ ගියාද දන්නේ නෑ.. මේ පාර මූ මටත් නොකියා ගියේ..

කෝම හරි ඉතින් සෙමි ෆයිනල් එකෙන් ජර්මානු නිජ බිමටම පැනලා ජර්මානුවන් හඩවලා අවසන් වටේට තේරෙන්න ඉතාලියට පුළුවන් උනා.. අනිත් පැත්තෙන් ආවේ ස්පාඤ්ඤය.. මැච් එක තිබ්බේ ඊයේ.. පාපන්දු වලට උනන්දු අය උනේ මොකක්ද කියල ඉතින් දන්නවා ඇති..

සිකුරාදා හවස ෆාමසියේ ලොකුම කතාව කවුද දිනන්නේ කියන එක.. ඕක ඉතින් ලොකු කතාවකුත් නෙමෙයි.. ඉතාලි කාරයෝ ඉතාලිය දිනන්නේ නැතුව ස්පාඤ්ඤය දිනයි කියාවිය.. පහුගිය කාලේ පාපන්දුවත් නැති අප්‍රිකා රටක කල්ලෙක්ව ඉතාලි පුරවැසි බාවෙත් දීලා මිලියන ගානක කොන්ත්‍රාත්තුවකුත් අස්සන් කරලා ගත්තා ඉතාලි ටීම් එකට.. අවංකවම කියනවනම් මිනිහා දක්ශයා.. සෙමි ෆයිනල් එකත් තනියම ගොඩ දැම්මේ මිනිහා තමයි..

ඉතාලි කාරයෝ ඉතාලියට කඩේ යද්දි මම නිකමට වගේ කිවුවා දිනන්නේ ස්පාඤ්ඤය කියලා.. හෆ්ෆා කූඹි ගුලක් ඇවිස්සුනා වගේ මුන් තර්ක කරන්න ගත්තේ.. තනි මට ඇඩ්‍රස් නෑ.. වෙනදටනම් මගේ පැත්තට කවුරු නැතත් දොත්තොරෙස්සා අක්කා ඉන්නවා.. මේ පාර එයත් නෑ..  :)

" උඹ මොනාද මේවා ගැන දන්නේ.. උඹ ලගදිනේ බලන්න ගත්තෙත්.."

" ඔව් ඉතින්.. ඒත් මම බලපු හැම මැච් එකක්ම උඹලා පැරදිනේ.."

එහෙන් මෙහෙන් තර්ක විතර්ක.. සමහර එවුවා මට තේරෙන්නෙත් නෑ.. කෝම කෝම හරි කාතාව ටිකක් ඇදිලා ගියා..

" හරි එහෙනම් අපි ඔට්ටුවක් දාමු කවුද දිනන්නේ කියලා.."

" හරි.. මම කියන්නේ ස්පාඤ්ඤේ දිනන්නේ.. මම පැරදුනොත් මගේ ගානේ උඹලා ඔක්කොටම බීර අරන් එනවා සදුදට.."

දැන් රස්නේ කාලේ හන්දා ෆාමසිය වහන්න කිට්ටුව අපේ උන් බීර බෝතල් දෙකක් හිස් කරනවාම තමයි.. දෙකක් ඉතින් ලංකාවේ අයට ගානක් නොවුනට ඒක ගහලත් මුන් ඉන්නේ ඇස් රතු කරන්.. බෙහෙත් දීම ගැනනම් නොදනී.. මට ගන්න තියෙන දෙයක් මම ගන්නේ වේලස්සන මේ කාලෙට..

" හරි උඹ දින්නොත් දොත්තොරෙගේ වයින් ජාති හතරෙන් එක එක දෙන්නම් අපි උඹට.."

" දොත්තෝරෙගේ වයින්  උඹලගේ වගේ දුන්නම උඹලට පාඩුවක් තිනවයි.."

ලොක්කගේ වයින් මුංගේ වගේ දුන්නම පැරදුනත් මුන්ට පාඩුවක් නෑ.. උගේ වයින් කෝමත් මට නිකන් හම්බුවෙන එක..

" හරි උඹ දින්නොත් මම උඹට හාදුවක් එකක් දෙනවා.. "

" හරි ඔට්ටුයි.."

දොත්තොරෙස්සා අක්කා ඇගට පතට නොදැනී කියද්දි මමත් පැන්න ගමන් ඔට්ටුව ඉස්තීර කලා.. ආයෙම වෙනස් වෙන්න කලියෙන්.. දැන් ඉතින් කොහේ වෙනස් කරන්නද?

සිකුරාදා හවස ගෙදර ආවේ වෙනදට වැඩිය සංතෝසෙන්.. ඇයි ඉතින් දින්නොත් ලැබෙන්නේ හාදුවක්නේ.. මේ අර වෙනදා නිතරම ලැබෙන ජාතියේ එවුවා නොවේය.. රෑ කෑම කන ගමන් අංකල් ජොන්සන් එක්කත් දාපු ඔට්ටුව ගැන කිවුවා.. මිනිහත් සද්ද නැතුව අහගෙන හිටියා..

" තමුසේ දැන් ඕක මල් කඩද්දි අර යාළු වෙලා ඉන්න කෙල්ල එක්ක එහෙම කියන්න එපා පිස්සා වගේ.."

කටට දාගත්ත බත් කට අමාශගත නොවී වෙන කොහේ කොහේ හරි කැරකුනා කියලා දැනුනා.. අංකල් වතුර එකකුත් පොවලා පිටට හොදවයි පාරවල් දෙකකුත් ගැහුවට පස්සේ තමයි පියවි සිහිය ආවේ..

" මොකෝ උනේ ඔහේට.. ඔට්ටු ඇල්ලුවේ කෙල්ලෙක් ඉන්න බව අමතක වෙලාද?"

වස ලැජ්ජාවයි.. දෙන්න උත්තරත් නෑ.. ඔට්ටුවේ තෑග්ග අහපු ගමන් හා කියද්දි මේ ගැන හාං කවිසියක් මතක් නොවුන හැටි.. කන්න හිතෙන්නෙත් නෑ.. ඔට්ටුව අස් කර ගන්න කියලද ඉතින්.. ඒක වස ලැජ්ජාවක්.. අනේ ඉතාලියම දිනපං කියලා මටම හිතුනේ ඉබේටම මගේ.. 

සෙනසුරාදත් ගෙවිලා ගිහින් හෙමිට ඉරිදාව ආවා.. තාම හිතේ වැඩ කරන්නේ අර අවුල.. මේක කියනවද නැද්ද? හොරෙන්ම හාදුව අරන් නිකන් ඉන්නවද? කල්පනා කරලා කල්පනා කරලා ඔන එකක් කියලා ඉරිදා හැන්දෑවේ මල් කඩද්දි සිද්දිය කියලා දැම්මා.. 

" කාගෙන්ද දැන් ඕක ලැබෙන්නේ ලයින් අක්කගෙන්ද?"

දොත්තොරෙස්සා අක්කා ගැන මේකේ ලියපු දේවක් අකුරක් නෑර කියවපු කෙනෙක් නිසා එයා නැති අතරේ මම අක්කට ලයින් දානවා කියලා තමා ඉතින් මට මඩ ගහන්නේ..  මම ඉතින් එහෙම නෑ කියලා හැමෝම දන්නවනේ.. :)

" දැන් ඉතින් දාපු ඔට්ටුවනේ.. ඕන එකක් කර ගන්න.."

පළවෙනි අමතක වීමට සමාව දීලා දණ්ඩ නීති සංග්‍රහයේ තීයෙන ඔක්කොම නීති ටික දැම්මා ආයෙම අමතක නොවෙන්නම.. එවුවයින් මෙවුවයින් ඉස්සරහට මේ වගේ කතන්දර වර්ණයේ නැති වෙලාම යවිද මන්දා..

කොහොමින් කොහොම හරි ඔට්ටුව නම් ශේප්.. දිනුම පැරදුම වත් බලන මැච් එක බැළුවේ නෑ හැබැයි.. එතකොටත් මල් කඩපු නිසා.. ඔය අතරට හිටි හැටියේම අංකල් කඩා පාත් උනා..

" අන්න මැච් එක ස්පාඤ්ඤේ දිනුම් 4 ට 0 යි.. දැන්  හෙට මොකද වෙන්නේ?"

විශේෂයි : ඔට්ටුවේ තෑගි සදුදා ලැබෙන්නට ගියත් මම නොගත්තෙමි.. 

අති විශේෂයි : ආයේ ජීවිතේට ඔට්ටු නොදමමි..

අති අති විශේෂයි : බලදාරියාගේ අවසර ඇතුව පල කරන ලදී..