Tuesday, 7 December 2010

පාළුව




නිසල වූ වැව් දිය
බලා හිදියි නිසොල්මනව
මැවෙනතුරු රටා එක පිට
බිදදා සොදුරු නිසල බව.

සැලී ගිය ගහ කොල මල්
මවයි නෙක රටා දිය මත
පාළුව හැර වෙන කුමක්
පවසයිද මේ දිය මට.

වරෙක හිනැහී රටා මැවි දිය
ගොළු විය රජකර පාළුව
ගිලි ගිය දා සිටම
දිය රටාවන් මැවු පාරුව.

තුරු ලතා හිනැහෙයි හතර වට
පූදමින් විසිතුරු මල් රටා හෙමිහිට
නෙලාගන්නට නැතිව කිසිවකු
මිලාන වී යයි හිරුත් සමගම.

අදටත් මේ නිසල වු වැව
නෙත යොමයි තොටුපල වෙත
දැකගන්නට ආසාවෙන් දිනක
යලිත් මෙහි එන තොටියා දෙස..

2 comments:

වර්ණයට පාටක් තවරා යන්න ඔබත්