Friday, 22 July 2016

පිබිදීම - අවසන් කොටස

සෙත්, හොල්මන් කියන්නේ අපේ මනසත් එක්ක සෙල්ලම් කරන්න පුළුවන් විදිහේ දෙයක්. ඒක තේරුම් නොගන්න තාක් අපේ හිත ගැන කලබල වෙනවා වැඩියි.’

දහවල් කර්ගා නගරයේ තොරතුරු සොයමින් යන අතර අල්දීනි සෙත් සමග කතා බහක වැටුණේය. හොල්මන් සහ ආත්මයන් ගැන දැඩි විශ්වාසයක් එල්බ සිටි සෙත් ගැන තේරුම් ගන්නට මැලි කරන බවක් ඔහුගේ මුහුණෙන් හොදින්ම පෙනෙන්නට තිබුණි.

මට පුදුම සර් මේ ලුසිෆර්ගේ සලකුණු අඳුන ගෙනත් මේ වගේ කතාවක් කියන එක.’

සෙත්, මම ඒවා දන්නවා වගේම තව ඕනම කෙනෙක් ඒවා දන්නවා ඇති. ඒක හරිම සරල දෙයක්. අනික වෙන ඕනම විදිහක අපරාධයක් හංගන්නත් මේක බොහෝම හොද උපක්‍රමයක්.’

මනුස්සයෙක්ගේ බෙල්ල සම්පූර්ණයෙන්ම අනිත් පැත්ත හැරෙන්න ගහලා මරණ එක සාමාන්‍ය දෙයක් නෙමෙයි සර්.’

සෙත්ගේ කතාබහ තරමක් අවේගශීලි එකකට පෙරළුණේ ඔහුටවත්ද නොදැනීමය. දුහුවිල්ලෙන් මුහුණ වැහෙන්නට බැඳ හිදි ජටාවේ කොටස මෑත් කල ඔහු කිසිවක් නොකියාම අල්දීනි දෙස මොහොතක් බලාගෙන සිටියේය.

මතක තියා ගන්න සෙත් මොනම දෙයක් වත් දකිනකන් විශ්වාස කරන්න යන්න එපා. අපි තාම ඔය කියන ගැහැණියව උණත් හරි හැටි දැක්කේ නැහැනේ.’

***

අල්දීනිගේ ඉදිරියේ දෙසතියකට පෙර අසාමාන්‍ය ලෙස මිය ගිය මහල්ලා සිටගෙන සිටියි. මුහුණේ තැනින් තැන වූ තුවාල කැලැල් මෙන්ම සුදුමැලිවී ගිය මුහුණ ඔහුගේ පෙනුම සම්පුර්ණයෙන්ම වෙනස් කර ඇත. ඔහුගේ නාස් පුඩු අතරින් පිටව යන හුස්ම හඬ පවා අල්දීනිට හොදින්ම ඇසුණේය. කර්ගා වලට එන්න කලින් ඔහුගේ තිබුණ සිතුවිලි කොතරම් වෙනස් වී ගොස් ඇත්දැයි යන්න සිතීමට පවා කාලයක් ඔහු සතු නොවීය.

තව පියවරක් ඔහුට ලං වුණ මහල්ලා අල්දීනිව උරහිසින් අල්ලා ඉස්සුවේ කිසිම අපහසුවකින්ම තොරවය. අල්දීනි මහල්ලාගේ මුහුණට වැරෙන් පහරක් එල්ල කළේය. ඒත් ඔහුට එය දැනුනේවත් නැත. විටින් ටිට වැඩි වන ග්‍රහනයෙන් මිදෙන්නට අල්දීනි උත්සාහ කළත් ඉන් ඔහු සාර්ථක නොවීය.

ගැහැනියගේ මිමිණිම යළිත් ආරම්භ විය. අල්දීනි දෙස බැලුවේය. ඔහුගේ ඇග සීතල වී ගියේය. ගැහැනිය ඉදිරියේ බිම වැතිර සිටි සෙත්ව ඔහු දැක්කේ වෙලාවේය. කලබල වූ අල්දීනි මහල්ලාට තවත් පහරක් ගැසීය. එයත් ඔහුට නොදැනුණත් ඉන් කෝප වූ ඔහු අල්දීනිව ඈතට විසි කළේය. අඩි කීපයක් ඈතට විසිවී ගිය ඔහු බිම ඇද වැටුණේ වේදනාවන්ද සමගිනි.

සෙත්...’

අල්දීනිගේ කෑ ගැසිල්ල සෙත්ට නොඇසුණේය. ඔහු වැතිර සිටි අයුරින්ම ඇය ඉදිරියේ වැතිර සිටියේය. ඔහු සිටින්නේ සිහි මූර්ජාවකයි සිතන්නට අල්දීනි පෙළඹුණේ ඔහුගේ ජීවිතයට අනතුරක් යැයි විශ්වාස කිරීමට ඔහු අකමැති වූ නිසාවෙන්ය. තව කීප වතාවක්ම අල්දීනි අපහසුවෙන් උවද කෑ ගැසුවේය. නමුත් ඊට කිසිදු පිළිතුරක් නොවීය.

අල්දීනි ළගට ඇවිදන් මහල්ලා ඔහුගේ උරහිසින් අල්ලා උස්සා ගත්තේය. දෑත් දෙකම තදින් බෙල්ල ළගට තද කර ගත් ඔහු පොර බදින්නට උත්සාහ කරන අල්දීනිව තමන්ගේ ග්‍රහනයට ගෙන සිටියේය. අල්දීනි වැරෙන් අසාර්ථක පහර කීපයක් ඔහුගේ දෑත් වලට එල්ල කළේය. ඔහුගේ මෙන් ශක්තිමත් දෑත් වලින් ගැල වෙන්නට එය ප්‍රමානවත් නොවීය.

ඔහුගේ දෑත් තව තවත් තදින් අල්දීනිගේ ගෙල මත සිර වෙන්නට විය. හුස්ම ගැනීමට පවා අපහසුව අල්දීනිගේ මුළු සිරුරම පණ නැතිවීගෙන යන බවක් ඔහුට යාන්තමින් මෙන් දැනුණි. ඔහු සෙත් දෙස බැලුවේය. තවමත් බිම වැතිර වුන් සෙත්ගෙන් කිසිම ප්‍රතිචාරයක් නොවීය. පල්ලියේදි පියතුමා ලබා දුන් කිනිස්ස ගැන මතකය ඔහුට යාන්තමට මෙන් ආවෙන් මහල්ලා සමග පොර බඳින අතර තුරම සාක්කුවේ සඟවාගෙන සිටි කිනිස්ස වෙතට අල්දීනිගේ දෑත යොමු විය.

මහල්ලා දැඩි ග්‍රහනයකින් අල්දීනිගේ ගෙල මිරිකාගෙන සිටියේය. ඇඟිලි තුඩු වලට යාන්තමින් අහු වුණ කිනිස්ස තම අවසන් සියලු ශක්තියම යොදාගෙන අතට ගත් ඔහු එය මහල්ලාගේ පපුව පසාරු කරගෙන යන්නට ඇන්නේය. සැණෙකින් මහල්ලගේ ග්‍රහනයෙන් මිදුන අල්දීනි බිම ඇදගෙන වැටුණේය. මහල්ලාගේ පපුව තුළ කිනිස්ස රැදි තැනින් රිදී පැහැ ආලෝකයක් විහිදෙද්දී ඔහුගේ සිරුරින් නික්මුණ ආත්මය ඇදි ගොස් ගැහැනියගේ සිරුර තුළට එකතු විය.

ගැහැනියගේ මිමිණිම නතර වී ගියේය. මොහොතකින් නැගී සිට අල්දීනි වෙතට හැරුණාය. ඇගේ දෑස් වල රත් පැහැය තවත් තදින් දිඳුලන්නට විය.

උඹ මාව සම්පුර්ණ කළා.’

එය ගොරෝසු පිරිමි කටහඬක් විය. තුළ සිටින්නේ කවරෙකු උවත් අල්දීනිගේ අතින් ඔහුගේ බලාපොරොත්තුවක් ඉටු උණාදැයි හැඟීමක් ඔහුගේ හිතට දැනෙන්නට විය. ඇහි පියකටත් වඩා වේගයකින් අල්දීනි ළගට ඇය අල්දීනිට එල්ල කර පහරින් ඈතට විසිවී ගිය ඔහු ලී මේසයක් පෙරළාගෙන ඇද වැටුණි.

අල්දීනිගේ උරහිසට වේදනාවක් දැනෙන්නට විය. අපහසුවෙන් නැගිට ගත් ඔහු හිතන්නටත් කලින් ඔහු ළගට ඇය යළිත් ඔහුට එල්ල කල පහරින් විසී වී ගිය අල්දීනි ගිනි සිළුව පෙරළාගෙන ඇද වැටුණේ සෙත් ළගටය. සෙත් ගේ නළල දෙසට ගලා ගෙන ලේ පාරක් කැටි ගැසී ගොස් තිබෙනු ඔහු දුටුවේය.

සෙත් නැගිටින්න. දෙවියන්ගේ නාමයෙන් නැගිටින්න.’

අල්දීනි වේදනාවෙන් කෑ ගැසුවේය. මුත් ඔහුගේ වදන් ඇසෙන්නට ඉතිරිවි සිටි එකම කෙනා වුයේ අදෘශ්‍යමාන බලයක් සහිත ඇයම පමණකි.

උබලා දෙන්නගේ ලේ වලින් මට ලුසිෆර්ගේ වරය සම්පූර්ණ කරන්න පුළුවන්. අඳුරු බලවේග මේ ලෝකේ පාලනය කරන එක නවත්තන්න උඹලට බෑ.’

ගොරොසු කරහඬින් කියාගෙන ගියාය. අල්දීනි සෙත්ව අවදි කරවා ගන්නට දැරූ අසර්ථක උත්සාහය නවතා දැමුවේය. ඔහුගේ මතකයට ආවේ කිනිස්යි. එය තවමත් මහල්ලාගේ යළිත් වරක් නිසල වී ගිය සිරුර තුළය. මහල්ලාත් ඔහුත් අතර වූයේ අඩි කිහිපයක පරතරයකි. අතර නැවතී සිටි ඇය අල්දීනි දෙස බලාගෙන හිටියේ කොයි මොහොතක හෝ ඔහුගේ ආත්මය උදුරා ගන්නට සූදානම් අයුරිනි.

අල්දීනි මහල්ලා දෙසට ළංවන්නට සිතත්ම ඔහු වෙතට ඇය නැවත වරක් පහරක් එල්ල කළාය. අසල බිත්තියක් දෙසට විසිවී ගිය ඔහු බිම ඇද වැටුණේය. බිත්තියේ වැදී තුවාල වූ හිසින් ලේ බිංදු ගලා එන්නට වි. ඇය අල්දීනි ළගට විත් සිට ගත්තාය. ගැලවෙන්නට හෝ සටන් වදින්නට හෝ ශක්තියක් නොතිබුණ ඔහු ඇගේ ඊළග පියවර වෙනුවෙන් බලාගෙන සිටියේය.

අල්දීනිගේ හිස අතරින් දිගු නියපොතු සහිත, රැළි වැටුණ දෑගිලි අරන් ගිය ඇය, ඔහුගේ හිසින් ගලාගෙන එන ලේ බිදු තම දෑතේ රදවා ගත්තාය. අනෙක් අතින් අල්දීනිගේ හිස යළිත් බිත්තියේ වදින ලෙස තල්ලු කර දැමූ ඇය ඔහුගෙන් ඉවත්ව ක්‍රාකාරව සලකුණු කර තිබුණ ඉඩ වෙතට පැමිණියාය.

යළිත් කිසිවක් මුමුණන්නට ගත් තම අතේ රැදුණ ලේ ක්‍රාකාර සලකු මැදට හෙළන්නට වි. සලකුණ පුරාවටම වූ රත් පැහැය මොහොතකින් රිදී පාටින් දිලිසෙන්නට විය. මේ වෙනතුරා නොතිබුණ සුළඟක් කාමරය තුළින් හමාගෙන යන්නට විය.

අල්දීනී බැලුවේ මහල්ලා දෙසයි. මෙහි අවසානයක් තීරණය කල හැකි එකම ආයුධය සමග ඔහු බිම වැතිර සිටී. ගැහැනියගේ මිමිණිම ක්‍රමයෙන් වැඩි වනට විය. රිදී පාටින් දිලිසෙන්නට ගත් සලකුණ අසාමාන්‍ය අයුරින් කාමරය පුරාම එළියක් විහිදන්නට විය. ගැහැනිය සිටියේ ගැන අවධානයෙන් බව තේරුම් ගත් අල්දීනි මහල්ලාගේ පපුවෙන් කිනිස්ස රැගෙන ඇය වෙතට ලං වුණාය.

කාමරය තුළින් නොසිතූ තරමක සුළඟක් හමන්නට විය. ගැහැනිය වෙත්ට ලං වුණ ඔහු ඇගේ පිටුපසට විත් සිට ගත්තේය. ඇය සිටිය ඔහුට නොතේරෙන භාෂාවකින් යමක් ඉහළ හඬකින් කියනා අතරවාරයේය. අල්දීනිට පියතුමාගේ වදන් මතකයට ආවේය. නමුත් ඇය සිටියේ ඔහුට පිටුපාගෙනය. මිමිණිම නිමා කල ඇය අල්දීනි දෙසට හැරුණේ එක් මොහොතකිනි. ඇයත් ඔහුත් සිතාගන්නට තරම් නොහැකි වේගයකින් අල්දීනි රන් කිනිස්ස ඇගේ පපුව පසාරුකරගෙන යන්නට ඇන්නේය.

ඇය රළු කටහඬින් මහා විලාපයක් නැගුවාය. රිදී කිනිස්සේ සිදුරෙන් සුදුපැහැ ආලෝකයක් නිකුත් වෙමින් ඇය ක්‍රාකාර සලකුණු මැද්දට ඇදගෙන වැටුණාය. රිදී පාටින් දිලිසෙමින් තිබුණ සලකුණේ එළිය තදින්ම වැඩිවී ගියේ අල්දීනිගේ දෑස් නිලංකාර කරවමිනි.

***

සර් නැගිටින්න.’

අල්දීනි අපහසුවෙන් තම දෑස් විවර කළේය. නිලංකාර වී ගිය දෑස් වලින් තවමත් වේදනාවක් දැනෙමින් තිබුණේය. අවට සිටිනා අය අඳුන ගන්නට ඔහුට මද වේලාවක් ගත විය.

සෙත් ඔබ හොදින්.’

ඔව් සර්.’

මොකද උණේ?’

මට අන්තිමට උදවු ඉල්ලලා එන්න එද්දී අර සුදු ඇද ගත්ත ගැනි පහර දෙනවා යාන්තමින් මතකයි. ඊට පස්සේ දැක්කේ පියතුමාව.’

සෙත් ලගින්ම සිටගෙන සිටි පියතුමා අල්දිනි දෙස ඕනකමින් බලාගෙන සිටියේය.

එහෙනම් සෙත්ට කියන්න හුඟක් දේවල් මට තියෙනවා.’

අල්දීනි සිටි තැනින් නැගිටින්නට උත්සාහ කළත් ඔහුට තවමත් ඊට වාරුවක් නොවීය. යළිත් සිටි තැනම හිදගත් ඔහු කාමරය දෙස බැලීය. කාමරය මැද ක්‍රාකාරව දි සලකුණේ රේඛා අළු බවට හැරී තිබුණි. යන්තමින් කාමරය අතරින් හමායන සුලගට ඒවා තැනින් තැනට පා විය.

මෙතන මොකද්ද වුණේ?’ 

සෙත් ඇසුවේ ඔහුට නිරාකරණය කර ගන්නට බොහෝ දෙවල් හිත් තුළ ඉතුරු වී තිබුණ බැවිනි.

මම කියන්නම්.’

අල්දීනි පිළිතුරක් දෙන්නට කලියෙන් පියතුමා ඔහුගේ හඬ අවදි කළේය. තමන්ගේ අතේ තිබූ කුරුසය සහිත මාලයේ ඇට ඔහු තම අතේ ඇඟිලි වලින් එහා මෙහා කරමින් සිටියේය.

ලුසිෆර්. කාලයකට කලින් සුරදූතයෙක්. ඒත් ඔහු දැන් අඳුරු බලවේග වලට අධිපති. මේ සලකුණු වලින් පේන්නේ ඔහුව නැවත මනුස්ය ලෝකයට ගේන්න ගත්ත උත්සාහයක්. ඒක සාර්ථක උනාද නැද්ද කියන එක තාම මම හරියට දන්නේ නෑ.’

ලුසිෆර් මනුස්ය ලොකයට ඇවිත් නම්?’

සෙත්, එහෙම උණොත් ඔබටත් මටත් බොහෝම අසාමාන්‍ය දේවල් වලට මුහුණ දෙන්න වේවි.’

පියතුමා තම අතේ එහා මෙහා කරමින් සිටි මාලය අතට ගෙන හෙමින් යමක් මිමිනුවේය. අල්දීනි අපහසුවෙන් වුවත් හිදගෙන සිටි තැනින් සිට ගත්තේය.

මට සමාවෙන්න. ඔබේ රිදී කිනිස්ස කොහේද කියන එක මම දන්නේ නෑ.’

ඒක ඔබට නියමිත අවස්ථාවෙදි නැවත ලැබේවි. එදාටත් මේ වගේම ඒක නිවැරදිව පාවිච්චි කරන්න.’

***

ගමේ මිනිසුන් සියල්ලම වගේ අත්හැර දමා තිබුණ ගොඩනැගිල්ල අසලට එකතු වී සිටියේය. අල්දීනි හා සෙත් සමගින් කතා කරමින් උන් පියතුමා මිනිසුන් අතරින් පල්ලිය දෙසට වූ මාවත දිගේ ඇවිදන් ගියේය. ගොඩනැගිල්ල තුළ වූ දේවල් දෙස බලන්නට උත්සාහ කරන මිනිසුන් අතර ටික වේලාවක් සිටි ඔවුන් දෙදනා එයින් පිටතට ඇවිදන් ආවේය.

ගමේ හැමෝම ඔවුන් දෙදෙනා දෙස බලාගෙන සිටියේ පුදුමයෙනි. ඔවුන්ගේ පැමිණිම ප්‍රශ්නයක් වූ බොහෝ දෙනෙක් ඔවුන් හා සිනාසුණේ හුරුපුරුදු පරිද්දෙනි. සෙත් හා අල්දීනි ඔවුන් අතරින් ඇවිද ගෙන ආවේය. අසළ වුන් කුඩා ළමයකු හා සිනාසුණ සෙත් ඔහු පසු කර යත්ම ළමයා ආපසු හැරී ඔවුන් දෙදෙනා දෙස බලාගෙන සිටියේ.

අල්දීනි හා සෙත් හැමෝගෙන්මිදී මාදිගේ විදන් ගියේය. කුඩා යා ඔවුන් දෙලාගෙසිටියේ උනන්දුවෙනි. ඔහුගේ දෑස් ලා කහ පැහැයට හැරී රත්පැහැ ගැන්ව් නැති වි ගියේය. ඔහුගේ මුහුණේ සිනහවක් මතු විය.




නිමි..