සීතල උදෑසන

එක දිගටම වහින වැස්සේ හඬ යාන්තමට වගේ ඇහෙන්න පටන් ගනිද්දී පාන්දරට ලං වෙලා මම හිතන්නේ.. වෙලාව බලන්න වුවමනාවක් නොතිබුන හන්දම ආයෙම ඇස් දෙක තද කරන් ඉද්දී දන්නෙම නැතුව උදේ වෙනකන්ම හොදටම නින්ද ගිහින්.. ඒත් රෑ යාන්තමට පටන් ගත්ත වැස්සේ කිසිම අඩුවක් නෑ.. ටිකක් තදේට ඇවිත් ජනෙල් අතර වදින හුළඟ වැස්ස තව හුඟාක් වෙලාවකට නතර වෙන බවක් නම් කියන්නේ නැහැ.. වින්ටර් එකේ හීතලත් ඉවර වෙලා යන්න වහින වැස්සත් එක්ක ඇඟට දැනෙන සීතල නම් වෙලාවකට දරා ගන්න බැරි තරම්ම.. උදේ එලාර්ම් එකවත් තාම වැදුනේ නැති හන්දා තව ටිකක් වෙලා නිදා ගන්න කියලා හිතද්දි මගේ ලගටම තව හොදට තුරුළු වෙවි උණුසුමක් හොයද්දි මටත් වැඩිය හොදට ඒ හීතල ඔයාට දැනිලා කියලා මට දැනුනා..

වෙනද තරම්ම හීතලක් නොදැනුන හන්දා රෑ නිරුවතින්ම තුරුළු උන ඔයාට දැන් මටත් වැඩිය සීතලක් දැනිලා වගේ.. මං ඇහැරුණු බවක් නොදැන අඬ නින්දෙන්ම මගේ ලගට තුරුළු වෙවී උණුසුමක් හොයන ඔයා දිහා මම ටිකක් වෙලා බලාගෙන හිටියේ යාන්තම් තිබුන උදේ අඳුර අතරින්මයි..

" මෙයාගේ ලස්සන.. සඳවතියක්ම තමයි.."

මම රහසින් මටම කියා ගත්තා.. හිතින් තනියම ආදරේ  කරන කාලේ ඔයාට සඳවති කියලා කියද්දි ඇත්තටම ඔයා මෙච්චරම ලස්සනයි කියලා හිතුවේ නෑ.. ඒත් මගේ වාසනාවට මං බලාපොරොත්තු උනාටත් වැඩිය ඔයා හුඟාක් ලස්සනයි.. ඔයා ලග හිටියත් තනියම හිතන වෙලාවට ඔළුවට කොච්චර නම් දේවල් එනවද? ඒ හැම එකක්ම මතක් කරලා හුඟාක් සතුටු වෙන්න පුළුවන් තරමේ මතකයන් වුන එකත් කොච්චරනම් දෙයක්ද?

තව තවත් ලං වෙලා ඔයා උණුසුම හොයද්දි මාත් පුළුවන් තරම් ලගට ඔයාව අර ගත්තේ ඇඟට යාන්තමින් දැනුන හීතල ඉස්සරට වඩා වැඩි උන හන්දා.. වැස්ස නම් තාමත් ඒ වගේ.. හුළග කලින් තිබ්බටත් වැඩිය වැඩි වෙලා වගේ.. වතුර බිංදු හුළගත් එක්ක ගහගෙන ඇවිත් ජනෙල් වල වදින සද්දෙත් යාන්තමට ඇහෙද්දි රෑ ඉදන් තිබුන වැස්ස දැන්නම් යාන්තමට පුංචි අයිස් වැස්සක් වෙලා කියලා මේ හීතලත් එක්ක දැනෙනවා.. හීතලෙන් යාන්තමට හිරිගඩු පිපුන පිට දිගේ යාන්තමට අත අරන් යද්දි අඬනින්දෙන් ඒ පහසට ටිකක් එහා මෙහා උන ඔයා මගේ පපුවටත් අත දාගෙන තව ලං වෙලා නින්ද හොයන්නේ ඔයා දිහා මම බලාගෙන ඉන්න බවවත් නොදැනම..

තත්පරෙන් තත්පරේ ගෙවෙන්නේ හුඟාක් හෙමින්.. හුළඟේ හඬ කොයිතරම් වැඩි උනත් බිත්තියේ තියෙන ඔරලෝසුවේ තත්පර කට්ට කැරකෙන වේගේ හඬ ඇහැද්දී වෙලාව ඉක්මනට ගෙවෙන්නේ නෑ කියලා හොදටම විශ්වසයි.. ඒත් හිත යටින් ඇහැරෙන්න වුවමනාවක් මටත් නෑ.. හෙමීට ඇඟිළි තුඩු අතරින් ඔයාගේ ඇඟ දිගේ හෙමීට අත පහලට අරන් ගියේ ඔයා දැන්නම් ඉන්නේ තද නින්දේ නොවෙන බව දැනුන හන්දා..

" ගුඩ්  මෝර්නින්ග් පණ.. ඔයා අද වේලස්සනම ඇහැරිලා.."

හුඟාක් වෙලා පපුව උඩට වෙලා ඇස් පියන් නිදා ගෙන හිටපු ඔයා හෙමින් උඩට ඇවිත් තොල් සිප ගනිද්දී ඒ දැනුන උණුසුමත් එක්ක දැනුනේ සීතල ඔහේ පා වෙලා ගියා වගේ.. ඒ පහසට ඒ උණුසුමට හිත හුඟාක් මගෙන් දුර අරන් යන්න පුළුවන් කියලා දැනුනේ මේ පළවෙනි වතාවට නෙමෙයි.. යාන්තම් අඬවන් වෙන දෑස් වලින් ඒ මිහිර විදගනිද්දී හිතට දැනෙන්නේ අමුතුම හැගීමක්..

" මට සීතලයි.. තව තුරුළු කර ගන්නකෝ.."

පුංචි එකෙක් වගේ ලග හුරතල් වෙද්දී හැමදෙයක්ම හරි ඉක්මනට අමතක වෙලා යන ගානයි.. ජීවිතේ අනික් හැම දෙයකටම වැඩිය මම ඔයාට ආදරේ කරන්නේ ඒ නිසා වෙන්න ඇති.. හොදටම තුරුළු වුන පපුවේ තවත් තුරුළු වෙන්න ඉඩ හොයද්දී පුළුවන් තරම් ලගට තවත් ඔයාව ලං කර ගත්තේ ඔයාගේ පහස තවත් හොදට විඳගන්න..

" වැඩට යන්න ඕන නේ.. කො කෝ නැගිටිමු.."

" වහිනවා හොදටම.."

" හ්ම්ම්.. අද යන්නම ඕනද?"

ඇඟිළි තුඩු අතරින් පපුව පිරිමදින අතරේ හුරතල් විදිහට ඔයා අහද්දී  මේ ආදරේ දාලා කොහේවත් දුවන් යන්න හිත කොහොම නම් ඉඩ දෙයිද.. වෙනදටත් තව මොහොතක් හරි දෙකක් හරි ඔය තුරුලෙම ඉන්න හිත කියද්දී අකමැත්තෙන් උනත් නැගිට්ටත් මේ වැස්සත් එක්ක දැනෙන හිතලට අද නම් එහෙම කරන්න හිත ඉඩ නොදෙන තරම්.. මුකුත් නොකියම ඔයාව ආයෙම හොදට තුරුළු කර ගනිද්දී ඇස් වලින් හැමදේම කියෙවුවා වගේ ඔයා මං දිහා බලලා හිනාවෙලා මුණ හංගන් ඉදපු පපුවේ ඉදන් උඩට හාදු තවරන් එද්දී මේ වැස්සේ සීතල තව මොහොතකින් අපේ ඈතට යාවි කියලා හිත හොරෙන්ම වගේ දැන ගත්තා..

ඔය ඇස් වලට එබී ගෙනම ඔය ඇස් අතරේ තවත් ආදරේ හොයද්දී මහ වැස්සත් සීතල හුළගත් ඉබේම අමතක වෙලා යන තරම්..  හැමදාමත් වගේ ආස විදිහට ඔය කෙහෙරැළි අතරින් හෙමින් අත දාලා ඔයාගේ තොල් පෙති මගේ ලගට ලං කර ගනිද්දී  අද දවසම තව හුඟාක් ලස්සන බව ඉබේටම වගේ දැනුනා.. හිත පුරාවටම ඔය ආදරේ විදගන්න මුළු දවසක්ම ඉතුරු වෙලා තියෙද්දී වෙනදා පුරුද්දටම උදේම ඒ පහස හොයාගෙන ගියේ ගෙවෙන්න තියෙන හෝරා ගානේ ඕනි තරම් නිදහසක් තියෙන බවවත් නොහිතම..

Read more

සුන්නත් කිරිම [ස්ත්‍රී චර්මඡේදනය]

 “එකවරම  ඇය බ්ලේඩ් තල කැබැල්ලට කෙළ පහරක් ගසා එය ඇඳිවතේ පිරිමදින අතර, මගේ ලෝකයට අඳුර එක් කරමින් මගේ දෙනෙත් වැසී යන සේ රෙදි කැබැල්ලක් තැබු අම්මා එහි කෙළවරවල් දෙක මගේ හිස පිටුපසට තබා හිර කොට බැඳ දැමුවා ය.

එකනේහි ම මගේ යෝනියේ යම් කොටස් කැපී යනු මට දැනේන්නට විය. ඊලගට මගේ යෝනි චර්මය මත ඒ මේ අත දිව යන බ්ලේඩ් තල කැබැල්ලේ හඬ මට ඇසෙන්නට විය. ඒ සිද්ධිය මතකයට එන හැම අවස්ථාවක ම ඒ වැනි දෙයක් මට සිදු වුවා යයි මට ම අදහගන්නට නොහැකි ය. ඇත්තෙන් ම මගේ අත්දැකිම විස්තර කරන්නට මේ ලෝකයේ භාෂාවන් නැත. මෙය ඔබගේ කලවෙන් මස් කැබැල්ලක් කපා වෙන් කරනවා හෝ අතක් කපා දමන විට හෝ දැනේන වේදනාව වැනි යයි හදුන්වන්නට හැකි නමුදු, ස්ත්‍රී යෝනිය යනු ගැහැනිය ගේ ඉතාමත් සංවේදි කොටසක් බැව් අමතක නො කල යුතු ය.  ඒ මොහොතේ මට අමන් (ඇගේ සොහොයුරිය) සුන්නත් කළ අවස්ථාව මතකයට ගලා ආවෙන් පැන දුවන්නට ගියත් එයින් බේරැමක් නො වන වග වටහා ගත් මම කොපමණ වේදනාවක් දැනුණත් නෝ සෙල් වි සිටියේමි.”

 ‍

            සෝමාලියානු කාන්තාරයේ එ‍ඩේර කෙල්ලකුව ඉපදි වාරිස් ඩයිරි නම් ඇය කුඩා කාලයේම සිය පියාගේ අත්තනෝමතික තිරණයක් වු තමාව තම වයස මෙන් තුන් ගුණයක් පමණ මහළු මිනිසේකුට විවහා කරදිමට ගත් තිරණය කෙරෙහි වු තම අකමැත්ත නිසාම පරක් තෙරක් නොමැති කාන්තාරයේ සිය කුඩාරමින් පැනයන්නෙ සිය මවගේද උපකාරය ඇතුවය. නමුත් එකල ඇයට වයස අවුරැදු දොලහක් පමණ කුඩා දැරියක් වන බැවින් විදින්නට වන දුක් කම්කටොළු නම් එමටය. දින ගනන් කුසට අහරක් නොමැතිව තමා පසුපස ආ පියා මඟ හරිමින් හායිනාවුන් , සිංහයන් සහ විෂ සහිත සර්පයින්ගෙන් ගහන කාන්තාරයෙන් බෙරී පලා යන වාරිස් අන්තිමට නගරයෙහි වෙසෙන සිය මාමා කෙනෙකුගේ නිවසක් සොයාගෙන එහි ලැගුම් ගනි. එහිද දින කිහිපයක් සිටින ඇය තමා මෙන්ම පලා ආවුත් නගරයේ වෙසෙන තම සොහොයුරිය සොයා යන අතර දිගින් දිගට මෙලෙස නැදැයින් ලග දිවි ගෙවන ඇය අන්තිමට ලන්ඩනයට එන්නේද තම නැදැයෙකුගේ ගෙදරක මෙහෙකාරියක ලෙසය. 

මෙලෙස දිව යන ඇගේ කතාව අවසනයේ ඇය නිව්යෝර්ක් නුවර ජිවත් වන ජගත් විලාසිතා ලෝව සුපිරි නිරැපිකාවක් වන අතර කාන්තා ජනනේන්ද කොටස් සුන්නත් කිරිම පිළිබදව සිය අදහස් ප්‍රසිද්ධියේ ප්‍රකාශයට පත් කරමින් එවැනි මිලේච්ඡ ක්‍රියා නැවැත්විමේ සටන අරම්භ කරන අතර පසුකාලිනව එක්සත් ජාතින්ගේ ජනගහන අරමුදලේ විශේෂ තනාපතිවරියක් ලෙසද අවසනයේ එම සටනේ නායිකාවද වන්නී ය.

---------------------------------------

මේහිදි මුල සිටම වාරිස් මට නම් විරවරියකි. නොපසුබට උත්සහයත් , තමා විසින්ම ගන්නා දැඩි තිරණයන් හිදි නොසැලි සිටිමින් සියලුම බාධකයන් මැඩ ගනිමින් ජය ගන්නා ඇය ධෛර්ය සම්පන්න ගැහැණියකි.  ළමා කාලයේ බොහෝමයක් ළමයින්ට අත්විදිමට නොලැබෙන කටුක වුත් කර්කශ වුත්  අත්දැකිම් ගොන්නකට මුහුණ දෙමින් තම ජිවිත සොයා යන ඇය අද අහඹුවක් ලෙස හෝ සමාජයේ දක්නට නොලැබෙන චරිතයකි. කිසියම් උදවුවක් හෝ පිලිසරණක් නොමැතිව ස්වඋත්සහයෙන් ජිවිතේ ජය ගන්නා ඇය තමා අත් විදි කටුක වේදනාවන් තවකෙකුට උරැම නොවන්නට, ඒ සදහා සටන් කරනීය.

“ මගේ රහස් මහජනයා දැන ගැනිමට ලැබීමෙන් පසු පාර තොටේ දි ඔවුන් මා මුණ ගැසුණු විට මා දෙස පිළිකුලෙන් බලනවා ඇතැයි නිකමට මෙන් මට කල්පනා විය. එ වැනි අවස්ථාවක් උද්ගත වුවහොත් එය නොසලකා සිටින්නට මම තිරණය කළෙමි. එ වැනි සම්මුඛ සාකච්ඡාවක් කිරීම සඳහා මා පොලඹවන ලද දෙවැනි කරැණ නම් තවමත් කෙරීගෙන යන ස්ත්‍රි චර්මඡේදනය ගැන ජනතාව දැනුවත් කිරිම යි. මෙම සටන මම දියත් කරන්නේ හුදෙක් මා ගැන පමණක් සිතා නො ව, මේ මෘග ක්‍රියාවට මුහුණ දෙන්නට යන ලෝකය පුරා සිටින දැරියන් අරමුණු කරගෙන යි. මා ඒ කෲර  ක්‍රියාවට ගොදුරැ වී හමාර වුව ද, මෙම සටන තුළින් වෙන කවුරැන් හෝ මෙම මිලේච්ඡ ක්‍රියාවට ගොදුරැ වන්නට ඉඩ නොදි ගලවා ගැනීමට බොහෝ විට හැකි වනු ඇත.”

වරෙක ඇය තමා විදි කටුක මිලේච්ඡල අත්දැකීම් ද, ඇය තුල දෙවියන් කෙරෙහි ඇති විශ්වසයද, ඇගේ එකායන අරමුණද මේසේ සටහන් කරයි.

“සර්වබලධාරි දෙවියන්වහන්සේ විසින් අංග සම්පුර්ණ ගැහැනියක් ලෙස මා මේලොවට කැඳවා ගෙනැවිත් ඇතැයි මම හඟිමි. එතකුදු අධම මිනිසුන් විසින් මගේ ශක්තිය විනාශ කර දමා මා බෙලහීනයෙකු කර ඇත. එ මතුද නොව ඔවුන් මගේ ස්ත්‍රීභාවය සොරාගෙන ඇත. භගමනිය වැනි ඉන්ද්‍යයන් ගැහැනියකට අනවශ්‍ය යයි දෙවියනවහන්සේ කල්පනා කළේ නම් ඔහු ඒ ඉන්දීයන් සහිත ව ගැහැනිය මෙලොවට උත්පාද කළේ මන්ද? කිසි ම ගැහැනියකට මෙම වේදනාවන විදින්නට සිදු නෝවන දිනයක් උදා වේවා යි මම යාඥා කරමි.”

---------------------------------

            මෙම කෘතිය ලියවි ඇත්තෙ 1998  වර්ශයේ ය. DESERT FLOWER නම් මේම කෘතියේ කර්තෘ වාරිස් ඩයිරි ( Waris Dirie ) ඇය ඉපදි ඇත්තෙ 1965 දි ය. කාල පරසය එනම් මැත ඉතිහාසය තුල සිදු වි ඇති මෙවැනි මිලේච්ඡ ක්‍රියවලියක් තවමත් සිදු වෙමින් ඇතැයි සිතිය හැකිය. එදින් එදා කැම වේලක් වෙනුවෙන් තම දරුවන් උකස් කරන, කප්පරක් බේගල් ඇද බාන, තව කෙනෙකුගේ දියුණුව දරා ගත නොහැකි මිනිසුන් සිටින සමාජයක් තුල මට නම් වාරිස් නම් ඇය මිහිපිට වෙසෙන දෙවිකෙනෙකි.

Desert flower  නම් මෙම කෘතිය 2007 වර්ශයෙදි  “කාන්තාරයේ කුසුම”  නමින් සිංහලයට පරිවර්තනය කරන්නෙ රංජිත් කුරැප්පු මහතා විසිනි. 

එක් කතාවක අන්තර්ගතය තුල කතා දෙකක් දුටිමි.

දැඩි තිරණයන් හි එල්බ, කිසිදු විටක තම තිරණයන් කෙරෙහි පසුනොතැවි ජිවිතය ජය ගත් දිරිය කාන්තාවක් එක් කතාවක් තුලද අනේකෙහි තමන් ළැදැරියක්ව සිටි අවදියේ විදි වේදනාවන් තව එකදු කාන්තාවක් විදිමට ඉඩ නොදිමට, ඒ වෙනුවෙන් සටන් වදින දිරිය කාන්තාවක්ද විය.

ඔබට සටනක් අවශ්‍ය නම් එය හුදෙක් ඔබ වෙනුවෙන් නොව මතු පරපුර වෙනුවෙන් බව පසක් කර ගත යුතුය.

             

Read more